Seulda O‘zbekistonning IT salohiyati va iste’dodlari namoyish etildi

23-aprel kuni Janubiy Koreya poytaxti Seulda Raqamli texnologiyalar vazirligi va IT Park hamkorligida O‘zbekiston autsorsing konferensiyasi bo‘lib o‘tdi. Ushbu konferensiya O‘zbekiston Respublikasining Koreya Respublikasidagi elchixonasi ko‘magi hamda Koreya maslahat fondi va sanoatini intellektuallashtirish assotsiatsiyasi bilan hamkorlikda tashkil etildi.

Ta’kidlash joizki, Sharqiy Osiyo mamlakatlarida O‘zbekistonning IT-sohasiga qiziqish ortib bormoqda – bu Janubiy Koreyaning xorijiy IT-Park rezident kompaniyalari faol o‘sib borayotgani va IT-kompaniyalar vakillarining jalb etilgan ishtirokidan dalolat beradi. O‘zbekistonning kadrlar salohiyati va IT landshaftini batafsil o‘rganish bo‘yicha konferensiyada 120 dan ortiq soha mutaxassislari va biznes delegatlar ishtirok etdi.

Tadbir Raqamli texnologiyalar vaziri Sherzod Shermatovning kirish so‘zi bilan boshlandi, ayniqsa, ikki davlat o‘rtasidagi madaniy o‘xshashlik, mehnatsevarlik va rivojlanishga doimiy intilish mavjudligi, bu strategik sheriklik va uzoq muddatli hamkorlik uchun qulay zamin yaratayotganini alohida ta’kidladi.

2013-2017-yillarda O‘zbekiston Respublikasi Raqamli texnologiyalar vazirligida AKT bo‘yicha maslahatchi bo‘lib ishlagan Kim Nam Sok ham O‘zbekistondagi tajribasi va jadal rivojlanayotgan IT-sohasi haqida gapirdi. Janob Kim Nam Seok o‘z nutqida ikki davlat o‘rtasidagi muloqot turli darajalarda davom etayotgani, Koreya Respublikasi ekspertlari O‘zbekistonning raqamli transformatsiyasi muvaffaqiyatli amalga oshirilayotganiga va mamlakatimizning kuchli mutaxassislar sifatida maydonga chiqishiga ishonchi komil ekanini alohida ta’kidladi. Xulosa qilib aytganda, u zarur bilim va tajriba bilan yordam berishga tayyorligini bildirdi.

Mehmonlarga O‘zbekiston hukumati tomonidan IT-kompaniyalarni qo‘llab-quvvatlash bo‘yicha yaratilgan kompleks chora-tadbirlar: autsorsing biznesini ochish va rivojlantirishni davlat tomonidan qo‘llab-quvvatlash, ko‘p tilli boy kadrlar zaxirasi hamda soliq imtiyozlari va preferensiyalari taqdim etildi.

 

O‘zbekistondagi IT-iqtidorlar bozori Janubiy Koreya kompaniyalari vakillarini – mamlakatimizning IT, biznes boshqaruvi, mijozlar tajribasini boshqarish (kontakt markazlari), moliya va boshqa sohalardagi malakali mutaxassislariga qiziqish uyg‘otayotganini alohida ta’kidlash lozim. Sababi yurtdoshlarimiz ga ingliz va koreys tillarini bilishi hamda ta’lim darajasi tufayli talab katta. O‘zbekistonda ko‘plab Koreya universitetlari va ta’lim muassasalari mavjud bo‘lib, ular haqida Koreyaning INHA universiteti vakili Kyung Jin Min va Hancom Akademiyasi bosh direktori Li Kvang Xun batafsil ma’lumot berdi.

“Biz Toshkentda aqlli sinf xonalarini tashkil qildik va endi Urganchga birinchi filialimizni ochish, qolaversa, mahalliy aholiga raqamli ko'nikmalar va texnologiyalarni o'rgatish uchun qadam qo'ydik”, — deydi Li Kvang Xun Hancom Akademiyasi haqida.

IT-Park rezidentlari muvaffaqiyatli biznes namunalari, jumladan, Janubiy Koreyaning Weayaa o‘yin ishlab chiqish kompaniyasi va Geo2 IUT Global logistika kompaniyasining O‘zbekistondagi faoliyati va erishilgan natijalari haqida so‘zlab berishdi.

“Biz O‘zbekiston yoshlari qanday ajoyib va ​​ijodiy dizaynlarni yaratayotganini ko‘rib, Toshkent viloyatida kompaniya ochishga qaror qildik. O‘yinlarimiz uchun grafik chizadigan xodimlarni yollaymiz”, —  dedi Weayaadan Kim Dae Keun.

Shuningdek, Uzinfocom vakillari o‘zlarining MyID mahsuloti va u nafaqat O‘zbekistonda, balki Markaziy Osiyoning qo‘shni davlatlarida ham davlat xizmatlari, ham xususiy biznes jarayonlarini raqamlashtirishda qanday yordam berishi haqida gapirib berdi.

IT Park rezidenti Fido Biznes O'zbekiston bozoridagi o'ttiz yildan ortiq tarixi davomida o'z mijozlari uchun texnologik yechimlarni ishlab chiqish bo'yicha tajribasi bilan o'rtoqlashdi.

Konferensiyani IT Park xizmatlari eksportini rivojlantirish direktori Maxliyo Muksinova yakunladi va ishtirokchilarga O‘zbekistonning IT-sohasiga jalb qilinganliklari va qiziqishlari uchun minnatdorchilik bildirdi hamda Janubiy Koreya kompaniyalari tomonidan autsorsing biznesini ochishda har tomonlama qo‘llab-quvvatlashga tayyorligini ta’kidladi.

 

Uzbekistan Outsourcing Conference O‘zbekistonning IT-sohasi va mamlakatning inson kapitalini xorijda taqdim etish uchun mo‘ljallangan. Konferensiya yakunlari boʻyicha Oʻzbekiston bozoriga Janubiy Koreyadan kamida 15 ta IT-kompaniyalar kirib kelishi va bir yil ichida 1000 dan ortiq ish oʻrinlari yaratilishi kutilmoqda.

Mazkur tadbir joriy yilda Sharqiy Osiyo mamlakatlarida O‘zbekistonning IT salohiyatiga bag‘ishlangan birinchi konferensiyasi bo’ldi. 25-aprel kuni esa Yaponiya poytaxti Tokio shahrida mamlakatimizning mintaqaviy IT-xabi sifatida erishgan yutuqlari va istiqbollari taqdimoti bo‘lib o‘tadi.