Silikon vodiysi akseleratori Toshkentda Startup Meetup o‘tkazadi

25-avgust kuni soat 14:30 da C-Space kovorking markazining Yunusobod filialida “O‘zbekiston startaplari haqida umumiy ma’lumot va ularning AQSh bozoridagi imkoniyatlari” mavzusida Startap Meetup bo‘lib o‘tadi.

Tadbir IT Park tomonidan C-Space hamkor kovorking markazi bilan hamkorlikda tashkil etildi.

Ma’ruzachi Silikon vodiysidagi startap akseleratori “Mach49” kompaniyasining “Portfolio T”   nomli sho'ba korxonasi g‘oyalar dasturi rahbari Adrian Erlinger.

Spiker  energetika sohasidan tortib xalqaro mobillikgacha bo‘lgan turli sohalarda startaplarni yaratish bo‘yicha 15 yildan ortiq tajribaga ega. U xalqaro kommunikatsiyalar, ta’lim va bozor tadqiqotlari bo‘yicha boy tajribaga ega bo‘lib, xususiy, davlat va nodavlat tashkilotlarga qiyin global muhitda o'z vazifalarini ilgari surishda yordam beradi.

Uchrashuv norasmiy formatda o‘tkaziladi, unda startaplar, IT Park rezidentlari va boshqa mahalliy kompaniyalar ishtirok etishlari mumkin.

Uchrashuvda u tadbirkorlar bilan ularning kompaniyalari va ular O‘zbekiston bozorida qanday muammolarni hal etayotgani haqida gapiradi. Shuningdek, u turli dasturlar, jumladan, AQShdagi startaplar va kompaniyalar uchun akseleratorlardan o‘tish imkoniyatlari haqida ma’lumot beradi. Uchrashuvdan so‘ng tinglovchilar bilan savol-javob o‘tkaziladi.

Sessiya ingliz tilida olib boriladi. Ishtirok etish bepul. Roʻyxatdan oʻtish havola orqali.