Success Story: 17 yoshda qanday qilib oyiga $500 va undan koʻp daromad qilish mumkin?

IT- sohasida har qanday yoshda, hatto yoshlik davrida ham muvaffaqiyatga erishish mumkin. Bunga misol tariqasida “IT mutaxassisi tarixi” rukni mehmoni Qoraqalpog‘istonlik 17 yoshli Maqsim Jumaboyevni keltirish mumkin.

Maqsim Qoraqalpog‘istonning Chimboy tumanidagi 48-maktabning 11-sinfida tahsil oladi.

U IT-sohasiga 15 yoshida kirib kelgan.

“14 yoshimda kompyuter texnologiyalari sohasiga qiziqa boshladim. Menga bularning barchasi qanday qurilgani va qanday ishlashi qiziq edi. Shunda men  IT – bu kelajak sohasi va mening kelajagim ham shu sohaga tegishli ekanligini angladim. Men dasturchi bo‘lishga qaror qildim va bir yildan so‘ng ITParkning IT markazidagi kurslarga qatnasha boshladim”.

U yerda Maqsim bir nechta dasturlash tillarini o'rgangan. Mashaqqatli mehnati tufayli, qahramonimiz qisqa vaqt ichida turli xil dastur va o‘yinlarni yaratishga muvaffaq bo‘ldi.

“IT Park IT markaziga qo‘shilganimga ikki yildan sal ko‘proq vaqt o‘tdi va shu vaqt ichida men 100 ga yaqin veb-saytlar, 10 ta dastur va 5 ta o‘yin ishlab chiqdim. Men uchun bu endi boshlanishi. Men o'z ishimni yaxshi ko'raman va ko'proq qilishni xohlayman».
Shuningdek, Maqsim murabbiy sifatida ham  faoliyat yuritadi. Bugungi kunga qadar u markazning 300 dan ortiq talabalarini o’qitishga va ular bilan bilim almashishga muvaffaq bo‘ldi.

Rubrika mehmoni jamoa shakllantirish, nufuzli xorijiy kompaniyalar bilan ishlash va ularni O‘zbekistonga jalb qilish orzusida ekanligini  ham aytib o’tdi.

Uning maqsadi - dasturlash bo'yicha eng zo’r mutaxassis bo'lish. Ta'kidlash joizki, u allaqachon bu borada birinchi qadamlarini muvaffaqiyatli qo'ygan - Maqsim turli tanlovlar g'olibi.  U 2022-yil 18-iyun kuni bo‘lib o‘tgan “IT-bilimdoni” tanlovining viloyat bosqichida faxrli 1-o‘rinni, mintaqaviy bosqichida esa 2-o‘rinni egalladi. Bundan tashqari, Chimboy viloyatida o‘tkazilgan “Axborot texnologiyalari sohasida yoshlarning bilimini oshirish” tanlovida “Eng yaxshi dasturchi” nominatsiyasida 1-o‘rinni egalladi.

Hozirgi vaqtda Maqsim Jumabayev IT Park rezidenti bo'lgan "Mo’jizalar Avlodi " MChJning asoschisi bo'lib, davlat buyurtmalari asosida ishlaydi va oyiga o‘rtacha 500-600$  daromad oladi.

Maqsim o‘z misolida, ishga boʻlgan qiziqish va muhabbat katta muvaffaqiyat hamda yuqori daromad keltirishini koʻrsatadi.