Tojikiston Davlat Huquq, Biznes va Siyosat Universiteti Texnologik Parki delegatsiyasi IT Parkʼga tashrif buyurishdi

2022-yil 4-mart kuni Tojikiston Davlat Huquq, Biznes va Siyosat Universiteti Texnologik Parkining Direktori Abdurahmon Mahmudov boshchiligidagi delegatsiya IT Parkʼga tashrif buyurishdi.

Tashrifdan maqsad – IT Park Uzbekistan tajribasini o‘rganish va tashkilot faoliyati bilan tanishishdir.

Tashrif davomida mehmonlar IT Park faoliyati bilan yaqindan tanishdilar, hamda, tomonlar o‘rtasidagi hamkorlik masalalarini muhokama qildilar.

Bundan tashqari, quyidagi yo‘nalishlarda hamkorlik qilish masalalari muhokama qilindi, xususan: yoshlarni masofaviy ish bilan ta’minlash, IT sohasida ta’lim, IT-xizmatlarini autsorsing qilish.

Qolaversa, mehmonlarga IT Park shourumi namoyish etildi va IT-majmuasi qurilishi haqida soʻzlab berildi.

TDHBSU Texnologik Parki haqida

TDHBSU Texnologik Parki quyidagi yo‘nalishlar boʻyicha ishlaydi:

1. Yoshlar o‘rtasida tadbirkorlikni rivojlantirish.

2. Taʼlim-koʻngilochar tadbirlarni oʻtkazish.

3. Yoshlarni ish bilan ta’minlash.

4. Yevropa Ittifoqining TEMPUS loyihasi asosidagi innovatsion laboratoriya.

5. Nashriyot xizmatlari.