Toshkentda “ICT Week” doirasida “Shared Services va Offshore Outsourcing Summit” o‘tkaziladi

2025-yil 23-sentyabr kuni Toshkentda “ICT Week” doirasida “Shared Services va Offshore Outsourcing Summit” bo‘lib o‘tadi. Forum dunyoning 30 dan ortiq mamlakatidan 500 nafar ishtirokchini — jahon kompaniyalari vakillari, soha yetakchilari va mutaxassislarni bir joyga to‘playdi. Tadbir O‘zbekistondan IT va BPO-xizmatlarini eksport qilish istiqbollarini muhokama qilish uchun asosiy maydon vazifasini bajaradi.

Shared Services va Offshore Outsourcing Summit — IT va BPO-xizmatlari autsorsingiga bag‘ishlangan “ICT Week” haftaligining markaziy tadbiriga aylanadi. Forum global autsorsing bozori istiqbollari va O‘zbekistondagi yangi imkoniyatlarni muhokama qilish uchun xalqaro ekspertlar va sanoat yetakchilarini jamlaydi.

“Shared Services va Offshore Outsourcing Summit” dasturiga tashkilotchilar ishtirokidagi rasmiy ochilish marosimi, O‘zbekistonning autsorsing ekotizimi, xalqaro kompaniyalarning muvaffaqiyatli tajribalari va mamlakatning kadrlar tayyorlash hamda BPO sanoatini rivojlantirishdagi afzalliklari haqidagi taqdimotlar kiritilgan. Tadbir IT va BPO-kompaniyalariga tashrif buyurish, shuningdek, hamkorlik aloqalarini o‘rnatishga qaratilgan ishbilarmonlik uchrashuvlari bilan yakunlanadi.

O‘zbekiston uchun mazkur tadbir IT va BPO sanoati uchun afzalliklarni namoyish etish va xalqaro maydondagi o‘z mavqeini mustahkamlash imkoniyatiga aylanadi. Sammit aniq natijalarga erishishga yo‘naltirilgan: investorlar va buyurtmachilarni jalb qilish, yangi B2B-shartnomalarini imzolash, eksport sohasidagi muvaffaqiyatli holatlari taqdim etish va xorijiy kompaniyalar ishtirokidagi loyihalar sonini oshirish.

Ishtirok etish uchun: https://outsource.gov.uz/en/events/ict-week-2025