Vention bepul Python amaliyotini eʼlon qiladi

IT Park rezidenti, dunyoning 20 ta davlatida ofislariga ega Vention kompaniyasi bepul Python amaliyotini eʼlon qiladi.

Dastur sentyabr oyida boshlanadi. Ishtirokchilar kuniga 6 soat tahsil oladilar va oʻquv davrida olingan koʻnikma va bilimlarni qoʻllashlari mumkin boʻlgan amaliy loyihalarda ishtirok etadilar.

Potensial amaliyotchilardan nima talab qilinadi?

• Obyektga yoʻnaltirilgan dasturlash (OOP) tamoyillarini tushunish va ularni amalda qoʻllash qobiliyati;
• Python tilining asosiy maʼlumotlar turlari va algoritmlari bilan tanishish;
• relyatsion maʼlumotlar bazalari (SQL) boʻyicha oldingi amaliy tajriba va PostgreSQLʼni tushunish maqsadga muvofiq;
• Git versiyali boshqarish tizimidan foydalanish boʻyicha asosiy tushuncha;
• rus va ingliz tillarini B1 darajasidan past boʻlmagan darajada bilish;
• Django/Flask/FastAPIʼni bilish va qoʻshimcha frontend dasturlash tajribasi (jumladan, HTML/CSS va JavaScript) afzal boʻladi.

Dastur davomida boʻlajak amaliyotchilarni nimalar kutmoqda?

• Pythonʼni chuqur oʻrganish: dasturlash tilini, uning kutubxonalari va asosiy “pattern” larini oʻzlashtirish.
• Veb-API bilan ishlash: Django, Flask yoki FastAPI kabi mashhur platformalarga asoslangan APIʼlarni yaratish va ulardan foydalanish, shuningdek server va mijoz tomonlari oʻrtasida maʼlumotlarni qayta ishlash.
• Sinovdan oʻtkazish koʻnikmalarini rivojlantirish: pytest yoki unittest kabi vositalardan foydalangan holda birlik testlarni malakali yaratish va oʻtkazish.
• Interfeys tomonidagi oʻzaro taʼsir: foydalanuvchilar bilan sifatli aloqani taʼminlash uchun server kodini mijoz tomonidagi texnologiyalar, jumladan HTML, CSS va JavaScript bilan bogʻlashni oʻrganish.

Ishtirok etish uchun quyidagi havola orqali ariza topshirishingiz mumkin:

https://join.ventionteams.com/job-openings/internship-python-tashkent