Vention biznes tahlili boʻyicha bepul amaliyotni eʼlon qiladi

IT Park rezidenti, dunyoning 20 mamlakatida ofislariiga ega Vention kompaniyasi biznes tahlili boʻyicha bepul amaliyotni eʼlon qiladi.

Dastur oktyabr oyida boshlanadi va har kuni 4 dan 6 soatgacha boʻlgan oʻquv mashgʻulotlari bilan ikki oy davom etadi.

Nomzodlardan quyidagilar talab qilinadi:

• loyihada biznes-tahlilchining rolini tushunish;
• Agile metodologiyasini tushunish;
• rus va ingliz tillarini kamida B2 darajasida bilish;
• kuniga 6 soat oʻqish imkoniyati;
• biznes tahlili boʻyicha tugallangan kurslar afzallik boʻladi.

Dastur amaliyotchilari real hayotdagi loyihalarda ishtirok etadilar va dastur davomida tajribali murabbiylardan yordam oladilar. Dasturni muvaffaqiyatli tugatgandan soʻng, har bir amaliyotchi Vention tomonidan ishga joylashish imkoniyatiga ega boʻladi.

Rezyumeni quyidagi elektron pochta manziliga yuborishingiz mumkin:

alena.khaustovich@ventionteams.com