AloqaTechLab dasturining ikkinchi Demo Day tadbiri qanday oʻtdi

25-avgust kuni Toshkentda AloqaTechLab akseleratsiya dasturi yakuniy bosqichining ikkinchi Demo Day tadbiri boʻlib oʻtdi.

Tadbir IT Park, Aloqabank va AloqaVentures bilan hamkorlikda tashkil etilgan.

AloqaTechLab dasturi AI (Sunʼiy intellekt), FinTech (Moliyaviy texnologiyalar), Enterprise Tech (Korxona texnologiyalari) va BigData sohalaridagi istiqbolli startap loyihalarni har tomonlama qoʻllab-quvvatlovchi uch oylik akselerator hisoblanadi.

Loyiha ishtirokchilari tajribali murabbiy va trekerlardan nazariy va amaliy bilimlarga ega boʻlishdi.

Saralash bosqichida 100 dan ortiq ariza topshirildi, 55 nafar ishtirokchidan iborat 14 ta startap loyiha esa yakuniy bosqichga chiqdi. Ular investorlar va soha mutaxassislarini oʻz ichiga olgan ekspertlar guruhi oldida oʻz pitchlarini (loyihalarini) taqdim etdilar.

Tadbir yakuniga koʻra Point AI, Smartcast va Oshme loyihalari gʻolib boʻlishdi va AloqaVentures fondining sertifikatlariga ega boʻldi.

Dasturi hamkori — PRO DATA-TECH uch nafar gʻolibga 12 million soʻmlik vaucherlarni topshirdi.