“Astrum IT Academy” vakillari Sirdaryoga tashrif buyurishdi

Sirdaryoda IT Park rezidenti sanalgan  “Astrum IT Academy” vakillarining  yoshlar bilan uchrashuvi bo‘lib o‘tdi. Tadbir IT Park Sirdaryo filiali, Axborot texnologiyalari va kommunikatsiyalarini rivojlantirish vazirligining viloyat hududiy boshqarmasi, Yoshlar ishlari agentligi viloyat boshqarmasi hamkorligida tashkil etildi.

Spikerlar akademiya faoliyati hamda “Data Science”, “Full Stack” va “Software Engineering” nomli o‘quv kurslar haqida ma’lumot berdilar.

Mutaxassislar taʼkidlaganidek, bunday tadbirlarni oʻtkazish IT sohasini ommalashtirish uchun zarur boʻlgan muhim qadamdir. IT sohasi jadal rivojlanayotgan bir sharoitda sohaga imkon qadar ko‘proq yoshlarni jalb qilish zarur.

Tadbir so‘ngida mutaxassislar yoshlarni qiziqtirgan savollarga javob berdilar.

Faol ishtirok etgan yoshlarga “Astrum IT Academy”ning esdalik sovg‘alari topshirildi.