Final: “IT Park Cup 2021” va “ICPC Uzbekistan”

2021-yil 19-dekabr kuni IT Park tomonidan “Dubai Future Foundation” bilan hamkorlikda tashkil etilgan hamda Oʻzbekiston Axborot texnologiyalari va kommunikatsiyalarini rivojlantirish vazirligi ko‘magi ostida “IT Park Cup” sport dasturlash chempionati final bosqichi bo‘lib o‘tadi.

Ta’kidlash joizki, IT Park “ICPC Global” dasturlash boʻyicha jahon chempionatining hududiy tashkilotchisi sifatidagi huquqni qoʻlga kiritdi. Shu munosabat bilan, “IT Park Cup” finali doirasida “ICPC Uzbekistan” yakuniy bosqichi ham tashkil etiladi. G‘oliblar esa “ICPC Global” yarim finaliga yo‘l oladilar.

* “IT Park Cup” final bosqichi = “ICPC Uzbekistan” final bosqichi.

“IT Park Cup” musobaqasida jami 700 kishi ishtirok etdi. Barcha qatnashchilar 2 tur saralash bosqichidan o‘tdilar. Natijalarga ko‘ra, 63 ta jamoa (har bir jamoada 3 nafardan) final bosqichiga yo‘l oldi.

“IT Park Cup” musobaqasi g‘oliblari quyidagi pul mukofotlari bilan taqdirlanadilar:

1-o‘rin – $6500

2-o‘rin – $3,500

“ICPC” nima?

ICPC tushunchasi ildizi 1970-yilga borib taqaladi. Bu bo‘yicha tanlov birinchi marta “UPE Computer Science Honor Society” (Kompyuter fanlari faxriy jamiyati) a’zolari tomonidan o‘tkazilgan. Tashabbus AQSH va Kanada bo‘ylab eng kuchli talabalarning intilishlarini rag‘batlantirish, muammolarni hal qila olish qobiliyatini rivojlantirish hamda ularning qiziqish va imkoniyatlarini yuksaltirishga qaratilgan ilg‘or dastur sifatida tezda yoyildi.

Talabalar o‘rtasidagi dasturlash bo‘yicha xalqaro chempionat (ICPC) - bu dunyo universitetlari tomonidan o'tkaziladigan global dasturlash musobaqasi.

Tanlov ishtirokchilarga yangi dasturlarni yaratishda ijodkorlik, jamoa bo‘lib ishlash va innovatsion g‘oyalarni rivojlantirish, qolaversa, murakkab sharoitlarda ishlash qobiliyatini sinab ko‘rish uchun ajoyib imkoniyat sifatida xizmat qiladi.

Yig‘ilish vaqti: 11:00

Chempionat boshlanishi: 13:30 dan 18:30 gacha

O'tkazilish joyi: "Astrum" IT-akademiyasi