Gruziyadagi “500 Global Investment Accelerator”ning ikkinchi sessiyasi eʼlon qilindi

IT Park Uzbekistan va 500 Global Investment Gruziyadagi “500 Global Investment Accelerator” axborot sessiyasining ikkinchi qismi oʻtkazilishini eʼlon qiladi.

Akselerator – bu “500 Global Investment Accelerator” yetakchi kompaniyasi tomonidan tashkil etilgan gibrid modelga ega 12 haftalik dastur. U Sharqiy Yevropa, Kavkaz va Markaziy Osiyo (EECCA) mintaqalarida faoliyat yurituvchi boshlang‘ich texnologiya startaplarini rivojlantirishni tezlashtirish uchun mo‘ljallangan.

Dasturning maqsadi – tadbirkorlikni qo‘llab-quvvatlash, texnologik ekotizimni rivojlantirish, xalqaro aloqalarni o‘rnatish va ishtirokchilarga investitsiyalarni jalb qilishda yordam berishdan iborat. Dasturda ishtirok etishning afzalliklari qatoriga quyidagilar kiradi: startapni moliyalashtirish, tajribali ekspertlarning qimmatli mentorlik sessiyalari, asoschilar, hamkorlar va mentorlarning global tarmog‘iga kirish imkoniyati.

Sessiya 3-avgust kuni soat 19:00 – 20:00 gacha (Toshkent vaqti bilan) bo‘lib o‘tadi. Onlayn uchrashuvda tanlov mezonlari va dasturning umumiy koʻrinishi koʻrib chiqiladi, shuningdek, sifatli ariza tayyorlash boʻyicha foydali maslahatlar beriladi. Tadbir yakunida “500 Global” hamkori Pedro Viyeyra bilan savol-javob sessiyasi boʻlib oʻtadi.

Roʻyxatdan oʻtish yoki qoʻshimcha maʼlumot olish uchun havolaga oʻting: https://events.500.co/georgiainfopart2/IGS