Guliston shahridagi IT Park filialining tantanali ochilish marosimi!

 

2020-yilning 30-iyun sanasida Sirdaryo viloyatining Guliston shahridagi IT Park filialining tantanali ochilish marosimi boʻlib oʻtdi.
 

 
Marosimda Axborot va kommunikatsiyalarni rivojlantirish Vaziri Sh. Sodiqov, Sirdaryo viloyati hokimi Gʻ. Mirzayev hamda IT Park direktori F. Ibragimovlar ishtirok etishdi.

 

IT Park filialida It-mutaxassislar, frilanserlar, startap jamoalar ishlashi hamda yoshlarga sifatli taʼlim berish uchun barcha qulayliklar yaratilgan.

IT Park filiali maydoni 1800 metr kvadratni tashkil qiluvchi ikki qavatli binodan iborat boʻlib, oʻzida quyidagilarni jam qilgan: IT-markaz, kovorking hudud, ofis xonalari, tadbirlar hududi, alohida oshxona, uchta oʻquv xonasi hamda kipersport uchun auditoriyani.

 

IT Park filiali 120 dan ziyod ish oʻrinlari yaratish hamda oʻzida 300 nafar oʻquvchini hamda 15 dan ziyod IT kompaniya va tashkilotlarni sigʻdirish imkoniyatiga ega.

 

Eslatib oʻtamiz, IT Park filiallarida va Toshkentdagi IT Parkda ham 24/7 rejimda elektr uzilishlarisiz va tezkor internet bilan ishlash imkoniyati berilgan.

Shuningdek, Gulistonda IT Park filiali ochilishi doirasida “Yosh dasturchilar” tanlovi boʻlib oʻtdi va unda 10 ta qobiliyatli jamoa oʻz loyiha va ishlanmalari bilan ishtirok etdi. Tanlov bitta nominatsiya boʻyicha oʻtkazildi – “Eng yaxshi innovatsion foydali ishlanma”.

 

1-oʻrin – Tutorials.uz – Oʻzbekistonda yoshi kichik hamda oʻsmir bolalarga taʼlim berish koʻzda tutilgan loyiha. Barcha xohlovchilar dasturlash tillari bo'yicha video va matnli darslarni bepul koʻrishi, shuningdek urfdagi yoʻnalishlarda taʼlim olishlari mumkin.

 

2-oʻrin – Online School – loyiha maktab oʻquvchilari uchun onlayn shuter stilistikasidagi onlayn oʻyinlar orqali masofaviy oʻqitish imkonini beradi

 

3-oʻrin – Oʻynab oʻrganamiz – maktabgacha taʼlim yoshidagi bolalarga uch tildagi (oʻzbek, rus, ingliz) interfaol interfeys va videomateriallar bilan taʼlim beruvchi dasturiy taʼminot.

 

 

Gʻoliblar quyidagi sovrinlarga ega boʻldilar:

 

1-oʻrin uchun – Redmi 8 smartfoni

2-oʻrin uchun – MiBand 4

3-oʻrin uchun – IT Parkʼdan poverbank

Tanlovning qolgan ishtirokchilar IT Park tomonidan esdalik sovgʻalari bilan taqdirlandilar.