IT Park ASI va BMTTD bilan hamkorkikda “World AI&Data Challenge” ma’lumotlar xakatonini o’tkazdi

IT Park 2021-yil 21-22 avgust kunlari Rossiya Federatsiyasining Strategik tashabbuslar agentligi, BMTTD va ToshPMI bilan hamkorlikda “World AI&Data Challenge” yakuniy bosqich mukofot jamg‘armasi 5,5 million rubl bo‘lgan axborot texnologiyalari sohasidagi xalqaro tanlovning ikkinchi bosqichining ma’lumotlar xakatonini o‘tkazdi. O‘zbekistondan eng yaxshi yechimlarni taqdim etgan 3 jamoa MDH davlatlari orasida eng yaxshi xakaton loyihalaridan joy oldi, bu ularga tanlovning final bosqichida qatnashish imkonini yaratdi.

Bu xakatonda O‘zbekiston, Qirg‘iziston, Qozog‘iston, Belarus, Moldova va Rossiya kabi MDH davlatlari ishtirok etishdi. Axborot texnologiyalari va sun’iy intellekt sohasida o‘z innovatsion yechimlari bilan O‘zbekistondan 7 ta jamoa ishtirok etdi.

Eslatib o‘tamiz, tanlov 3 ta asosiy bosqichdan iborat: mos ravishda masalalar, yechimlar va amalga oshirishlar bo‘yicha tanlovlar. Tanlovdagi masalalarning umumiy soni xakatonda ishtirok etuvchi barcha mamlakatlardan 17 ta masalani tashkil etdi. IT Park O‘zbekiston vakili sifatida tanlov ishtirokchilari oldiga tanlov doirasida quyidagi 3 masalani qo‘ydi:

1. Mamlakatda qashshoqlik profilini tuzish (mamlakatda qashshoqlikni aniqlashning innovatsion usulini ishlab chiqish; ma’lumotlarni yig‘ish va qayta ishlashni avtomatlashtirish);

2. Arduino va smartfon orqali yurak-qon tomir kasalliklari bilan og‘rigan bemorni miokard infarkti va yurak fibrilatsiyasini oldini olish maqsadida mashinani o‘rganish yordamida masofadan turib kuzatuv tizimini ishlab chiqish; 

3. Mamlakatdagi mehnat bozori (talab va taklif nuqtai nazaridan tendentsiyalarni, ish beruvchilarning ish qidiruvchilarning malakasi va malakasiga bo‘lgan talablarini, shuningdek ish qidiruvchilarning o‘z xohish-istaklarini tushunish lozim).  

O‘zbekistondan jamoalar kompyuter orqali ko‘rish yordamida parkga tashriflarni avtomatik ravishda sanash, yurak-qon tomir kasalliklari bilan og‘rigan bemor uchun masofadan boshqarish tizimini ishlab chiqish, svetoforning samarali rejimlari yordamida harakatlanishni boshqarishning aqlli tizimini yaratish va Brayl yozuvini aniqlash masalalarini yechishdi.

Xakatonda O‘zbekistondan 5 ta mutaxassis ham ishtirok etdi, aynan:

- sun’iy intellekt va ochiq ma’lumotlar sohasi mutaxassisi Sarvar Abdullaev;

- dasturchi va loyiha menejeri Dilmurod Nasibullaev;

- ML/DL va Computer Vision bo‘yicha mutaxassis Sunnat Mahmudov;

- chipda (SoC) ko'p platformali tizimlar ishlab chiqaruvchisi Anton Garashchenko;

- sog‘liqni saqlash va oliy ma’lumot sohasidagi mutaxassis Igor Vixrov.

Ishtirokchilar tanlovning final bosqichida ishtirok etish uchun o‘z loyihalarini faol ravishda takomillashtiradilar, bu yerda ularga pul mukofoti uchun kurashish imkoniyati beriladi.

Xakaton natijasida ko‘plab mamlakatlarda eng yaxshi ishlanmalar va yechimlar amalga oshiriladi, bu esa faoliyatning turli sohalarini rivojlantirish va qo‘llab-quvvatlashga hissa qo‘shishga, shuningdek global muammolarni hal qilishga imkon yaratadi.

Shuni ta’kidlash kerakki, har kim o‘z innovatsion yechimlarini taqdim etishi va shu tariqa xakatonning yakuniy bosqichida mustaqil ishtirok etishi mumkin. Tanlov ishtirokchilari yechim gipotezalarini sinab ko‘rishlari, minimal hayotiy mahsulotlarini (MVP) takomillashtirishlari va potensial startap g‘oyalarini topishlari mumkin bo‘ladi.

Havola orqali barcha ishtirokchi davlatlarning xalqaro masalalari bilan tanishib chiqish va tanlash mumkin:  https://datamasters.ru/task?id=497

Tanlovning asosiy maqsadi - davlatlar, hamjamiyatlar, ma’lumotlar egalari (ochiq va yopiq) hamda dunyoda raqamli o‘zgarishlarni joriy etish maqsadida IT Data mutaxassislarni birlashtirish, sun’iy intellekt va mashinasozlik yordamida global ijtimoiy-iqtisodiy muammolarni hal qilish. shuningdek, davlat idoralarida ma’lumotlarga asoslangan boshqaruv va ma’lumotlar jamiyati o‘rtasida sun’iy intellekt va mashinani o‘rganish bo‘yicha kompetentsiyalarning amaliy rivojlantirish.