IT Park delegatsiyasi Guliston, Jizzax va Samarqand shaharlariga tashrif buyurdi

2020-yil 23-oktyabr kuni IT Park delegatsiyasi Guliston shahridagi IT Park filiali, Samarqand va Jizzax viloyatlari hokimliklariga tashrif buyurib, Samarqanddagi IT Park filialining qurilish jarayoni bilan tanishdi.

IT Park Guliston shahar filialiga tashrifi chogʻida delegatsiya sarmoyador bilan uchrashuv oʻtkazdi va filial faoliyati hamda kelgusidagi hamkorlik borasidagi rejalarga doir bir qator masalalarni muhokama qildi.

Samarqandda delegatsiya viloyat hokimi Turdiyev Erkinjon Oqbutayevich bilan uchrashdi va IT loyihalar, Samarqanddagi IT Park filialining boʻlgʻusi maslahatchisi va boshqa koʻplab muhim masalalar muhokama qilindi.

Shuningdek, delegatsiya Samarqand shahrida IT Park filialining biznes modeli, yaʼni xalqaro va mahalliy loyihalarni jalb qilish, IT kadrlarni tayyorlash, IT Park faoliyatini tashkil etish, mazkur filialga xodimlarni saralab olish va boshqa masalalar avvalroq birgalikda muhokama qilingan sarmoyador bilan uchrashishga muvaffaq boʻldi.

Soʻnggi tashrif Jizzax viloyati hokimligiga uyushtirilib, bunda Jizzax viloyati hokimi Soliyev Ergashev Alibekovich bilan uchrashuv boʻlib oʻtdi.

Uchrashuvda IT Park faoliyatining tashkiliy masalalari, xodimlar va menejerlarni tanlash, Jizzaxdagi IT Park filialining ochilish marosimi va boshqalar muhokama qilindi.

Eslatib oʻtamiz, bugungi kunda IT Park filiallari Guliston, Margʻilon shaharlarida ochilgan. Oʻzbekiston Respublikasi boʻylab IT Parkning jami 14 ta filialini ochish rejalashtirilgan.