IT Park Jizzax viloyati filialida yoshlar orasida IT sohasini ommalashtirishga yo‘naltirilgan bir qator seminarlar tashkil etildi

Joriy yilning 20–21-may kunlari yoshlarning axborot texnologiyalarini o‘rganishga bo‘lgan qiziqishini va ishtiyoqini oshirish maqsadida IT Park Jizzax viloyati filialida Baxmal, Paxtakor va G‘allaorol tumanlari yoshlari ishtirokida seminarlar o‘tkazildi. 

Seminarda IT Park’ning hududiy direktori Muxitdinova Nazira, seminarlar koordinatori Tilavov Sardor va IT Markaz menejeri Xakimova Sarvinoz ishtirok etishdi.

Seminar davomida talabalarga IT Park faoliyati, startap loyihalarini ishlab chiqish va IT Markazʼda tashkil etilgan IT kurslari toʻgʻrisida maʼlumot berildi.

Tadbir yakunida IT Park mintaqaviy direktori Muxitdinova Nazira yoshlarni ruhlantiruvchi maʼruza qildi va ularni ijodiy fikrlashga chorladi.

Seminarlar yakunida, tadbirlarda faol ishtirok etgan yoshlar IT Markazʼda 1 oy bepul taʼlim olish uchun sertifikatlar bilan taqdirlandi.