IT Park rezidenti Udevs Conf #2022 konferentsiyasini tashkil qiladi
IT Park rezidenti, IT-autsorsing kompaniyasi Udevs, IT Park va Rasta koʻmagida Udevs Conf #2022 konferentsiyasini tashkil qiladi.
Tadbirning maqsadi so‘nggi IT-mahsulotlarni biznesda qo‘llash natijalari bilan tanishish, yangi IT-mahsulotlarni targʻib qilishda bilim va ilg‘or tajriba almashishdan iborat.
Konferensiya 14-oktabr kuni soat 9:00 da Toshkent shahridagi Inha universitetida bo‘lib o‘tadi va ikki qismdan iborat bo‘ladi. Birinchi qismda spikerlar, jumladan, Inha universiteti rektori Muzaffar Jalolov, CEO Udevs Azizbek Bahodirov, Co-Founder Rasta Xurshidbek Mirozikov va boshqalar IT sohasidagi oʻz tajribalari haqida gapirib berishadi.
Konferensiyaning ikkinchi qismi IT sohasidagi yangi texnologiyalarga bag‘ishlanadi. Ishtirokchilar IT-mahsulotlar qanday yaratilishini va o‘zingiznikini qanday yaratish, shuningdek, qanday qilib zoʻr dasturchi bo‘lishni o‘rganadilar.
Tadbirda ishtirok etish uchun taklif etiladi:
• kichik va oʻrta biznes egalari;
• turli darajadagi dasturchilar;
• texnik OTMʼlari talabalari.
Konferensiyaga quyidagi veb-sayt orqali roʻyxatdan oʻtishingiz mumkin (13 oktabrgacha):
Eslatib oʻtamiz, OOO Udevs – Markaziy Osiyodagi eng yaxshi maxsus dasturiy taʼminot yaratuvchilardan biri hisoblanadi. Kompaniya 2019-yilda tashkil etilgan. Hozirgi vaqtda tashkilot yangi boshlanuvchi mutaxassislar uchun bepul oʻqitish va karyera boshlash imkoniyatlarini taqdim etadi. Kompaniya 35 dan ortiq loyihalarni, jumladan, xorijiy loyihalarni ishlab chiqdi va 100 dan ortiq dasturchilar jamoasini jalb qildi.
2022-10-11