IT Park Uzbekistan Pekinda o‘tkazilgan O‘zbekiston-Xitoy savdo-iqtisodiy va investitsiya forumida ishtirok etdi

Pekinda ikki mamlakatning 800 dan ortiq davlat va xususiy sektor vakillarini jamlagan O‘zbekiston-Xitoy forumi bo‘lib o‘tdi. Forumda raqamli texnologiyalarni rivojlantirishga alohida e’tibor qaratildi. Ochilish marosimida O‘zbekiston Bosh vaziri o‘rinbosari Jamshid Xo‘jayev va Xitoy Xalqaro savdoni rivojlantirish qo‘mitasi rais o‘rinbosari Li Qingshua ishtirok etdilar.

Forumda IT Park Uzbekistan bosh direktori Abdulaxad Kuchkarov boshchiligidagi delegatsiya ham ishtirok etdi. Ular mamlakatning global IT-hab sifatidagi o‘rni tobora yuksalib borayotganini ta’kidladilar.

Muzokaralar davomida IT va innovatsiyalar sohasidagi hamkorlikning istiqbolli yo‘nalishlari muhokama qilindi. Rasmiy qism bilan bir vaqtda B2B va G2B uchrashuvlari o‘tkazilib, tadbirkorlarga bevosita aloqalar o‘rnatish va qo‘shma loyihalarni muhokama qilish imkoniyati yaratildi.

Xitoylik hamkorlar bilan sheriklik IT Park Uzbekistan uchun yangi investitsiyalarni jalb etish, qo‘shma ta’lim tashabbuslarini yo‘lga qo‘yish va xalqaro hamkorlar tarmog‘ini kengaytirish kabi imkoniyatlarni taqdim etadi. Bu esa mamlakatning texnologik ekotizimini rivojlantirish va O‘zbekistonning jahon IT-bozoridagi o‘rnini mustahkamlashda muhim qadam bo‘ladi