JIZZAKH VALORANT CUP 2023 turniri g‘oliblari e’lon qilindi

1-2-iyul kunlari Jizzaxda mashhur VALORANT bo‘yicha birinchi yirik ESPORTS JIZZAKH CUP turniri bo‘lib o‘tdi. Tadbir butun mamlakat bo‘ylab eng yaxshi kisportchilarni jalb etib, qizg‘in va shiddatli raqobat muhitini yaratdi.

Turnir VALKYRIE ESPORTS tomonidan Raqamli texnologiyalar vazirligi, IT Park Uzbekistan, Jizzax viloyati hokimligi, Yoshlar ishlari agentligi va Sambhram universiteti hamkorligida tashkil etildi.

1-o‘rin – “Valkyrie” jamoasi 40 mln.so’m miqdordagi pul mukofoti va 6 kishilik Misrga sayohatni qo‘lga kiritdi;

2-o‘rin – “Saiyan” jamoasi 30 mln.so’m miqdordagi pul mukofotiga sazovor bo‘ldi;

2-o‘rin – “CGEN” jamoasi 10 mln.so’m miqdordagi pul mukofotiga sazovor bo‘ldi;

Shuningdek, turnirda ishtirok etgan yana 5 ta jamoa ishtiroki va sa’y-harakatlari uchun 1 million so‘mdan pul mukofoti bilan taqdirlandi.

Esports Jizzax Cup 2023 musobaqasi O‘zbekistonda kibersport rivojida muhim qadam bo‘lib, iste’dodli sportchilarga o‘zlarini ko‘rsatish va yangi marralarni zabt etishlari uchun ajoyib imkoniyat yaratdi.