Jizzax viloyatida yangi BPO Markazi ochildi

IT Parkʼning Jizzax filialida yangi BPO Markazi ochildi va ushbu Markaz viloyatda ikkinchi boʻldi.

Masofaviy xizmat ko‘rsatish Markazi IT Park rezidenti “Codevision” kompaniyasi tomonidan tashkil etilgan, qulay ofislar va kompyuterlar esa IT Park tomonidan taqdim etildi.

Markazning asosiy maqsadi – yoshlar bandligini ta’minlash, xorijiy kompaniyalar bilan ishlash imkoniyatlarini yaratish va IT-xizmatlari eksportini oshirishdan iborat. Shunday qilib, “Codevision” kompaniyasi AQSh, Isroil va Germaniya kabi mamlakatlarga grafik animatsiya va veb-sahifalarni yaratish boʻyicha xizmatlarni taqdim etadi. Hozirgi kunda korxonada 10 nafar yosh mutaxassis ishlaydi.

Eslatib oʻtamiz, IT Park BPO kompaniyalariga ofisni roʻyxatdan oʻtkazish, qidirish va jihozlash hamda xodimlarni tanlashda yordam beradi.  Bundan tashqari, IT Park birinchi yarim yil uchun imtiyozli ijara haqini taqdim etadi, shuningdek, agar kerak boʻlsa, davlat muassasalari bilan kommunikatsiyada yordam beradi.