Jizzax viloyatida yangi IT Park inkubatsiya markazi ochildi

Joriy yilning 28-iyul kuni O‘zbekiston Milliy Universitetining Jizzax filialida IT parkning yangi inkubatsiya markazini ochilish marosimi bo‘lib o‘tdi, unda O‘zbekiston Milliy universiteti Jizzax filialining IT Park hamda Innovatsion rivojlanish vazirligi bilan hamkorlik istiqbollari muhokama qilindi.

Axborot texnologiyalari va kommunikatsiyalarini rivojlantirish vazirligining Jizzax hududiy boshqarmasi boshlig‘i, Innovatsion rivojlanish vazirligining Jizzax viloyati hududiy boshqarmasi boshlig‘i, “SAMBHRAM IT” universiteti va IT Park mutaxassislari tadbirning asosiy ishtirokchilari bo‘lishdi.
Bundan tashqari, Axborot texnologiyalari va kommunikatsiyalarini rivojlantirish vazirligining Jizzax viloyati boshqarmasi boshlig'i L.Meliboev, O'zbekiston Milliy universiteti Jizzax viloyati filiali rektori O.To'raqulovlar, IT Park maslahatchisi doktor D.Partasarti, Jizzax viloyatidagi IT Park filiali direktori N.Muxutdinova, shuningdek, Jizzax viloyati Innovatsion rivojlanish vazirligining mintaqaviy boshqarmasi boshlig'i M.Musaev ochilish marosimi ma'ruzachilariga aylanishdi.

Yangi inkubatsiya markazining ochilish marosimiga tashrif buyuruvchilar uchun 3 ta innovatsion loyihaning taqdimoti bo‘lib o‘tdi, ular orasida “WEBPROGRESS” dasturlashni o‘rganish uchun onlayn platformasi, “Innovatsion Maktab” o‘quvchilarga ma'lumotni saqlash va tezkor almashish uchun innovatsion platformasi va logistika xizmatlarini ishga tushirish uchun dasturiy ta’minot.

Respublika hududlarida inkubatsiya markazlarining ochilishi yosh avlodni o'z IT-loyihalarini rivojlantirish istiqbollari hamda axborot texnologiyalari dunyosidagi dolzarb tendentsiyalar to‘g‘risida xabardorligini oshirishga imkon beradi.

Shuni ta'kidlash lozimki, bu IT-parkning mamlakatdagi 17-chi inkubatsiya markazi bo‘lib, u yerda yosh startap yaratuvchilari o‘zlarining innovatsion g‘oyalarini tayyor mahsulotga tatbiq etish imkoniyatiga ega bo‘ladilar.