Kaliforniyada “Uzbekistan — The New outsourcing hub of Central Asia” konferensiyasi boʻlib oʻtadi

20-sentyabr kuni Kaliforniyada Oʻzbekiston Respublikasi raqamli texnologiyalar vazirligi, IT Park Uzbekistan va Silkroad Innovation Hub tomonidan tashkil etilgan “Uzbekistan — The new outsourcing Hub of Central Asia” konferensiyasi boʻlib oʻtadi.

Tadbirdan koʻzlangan maqsad Oʻzbekiston va AQSh IT-sanoati oʻrtasidagi samarali aloqalarni rivojlantirishdan iborat. Konferensiya mehmonlari Oʻzbekistonning jadal rivojlanayotgan IT-landshafti va xorijiy kompaniyalarni mamlakatga jalb etishga qaratilgan davlat tashabbuslari bilan tanishishlari mumkin boʻladi.

Tadbirda ishtirok etish kompaniyalarga sanoatning yetakchi vakillari, innovatorlar va boshqa kompaniyalar bilan yangi aloqalar oʻrnatish imkoniyatini beradi. Dastur IT Park va boshqa kompaniyalarning top-menejmenti taqdimotlarini, shuningdek har bir kompaniyaning strategiyalari va rivojlanish rejalariga moslashtirilishi mumkin boʻlgan individual B2B sessiyalarini oʻz ichiga oladi.

Havola orqali ariza topshirishingiz mumkin: https://bit.ly/itparkeventform

Sana va vaqt: 20-sentyabr, 18:00 (GMT – 7)

Tadbir oʻtkaziladigan joy: Silkroad Innovation Hub ofisi (320 High St, Palo-Alto, Kaliforniya 94301, AQSh)

Qoʻshimcha maʼlumot uchun tadbir koordinatori Zaynab Atabayeva bilan elektron pochta orqali bogʻlanishingizni soʻraymiz:

z.atabaeva@it-park.uz yoki +998 91 777 17 63 (WhatsApp mavjud).