KOICA tomonidan raqamlashtirish va startap ekotizimiga bag‘ishlangan birinchi seminar

2022-yil 16-fevral kuni KOICAning O‘zbekistondagi vakolatxonasi O‘zbekistonda quyidagi yo‘nalishlarda amalga oshirilayotgan uchta loyiha bo‘yicha qo‘shma seminar o‘tkazdi: startap, raqamlashtirish va yoshlar uchun munosib ish o‘rinlari yaratish bo‘yicha umumiy qiymati 15 million AQSH dollari.

Ushbu seminarning asosiy maqsadi – barcha tomonlarni har bir tashkilotning loyihalari (CCP, TATU, IT Park) bilan tanishtirish va AKT sohasini jadal rivojlantirish uchun barcha tomonlarning birgalikdagi hamkorligini muhokama qilish va hokazo.

Seminarda KOICAʼning O‘zbekistondagi vakolatxonasi vakillari, Koreyadan loyihalarni boshqarish bo‘yicha hamkorlar, O‘zbekistondan hamkor tashkilotlar va tegishli davlat organlari, jumladan, Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi va boshqalar ishtirok etdilar.

Loyiha hamkorlari:

O‘zbekiston Savdo-sanoat palatasi

- O‘zbekistonda startaplarni qo‘llab-quvvatlash va tadbirkorlik o‘sishini rag‘batlantirish uchun ekotizim yaratish loyihasi.

Amalga oshirish muddati: 2020–2024-yillar

Qabul qilingan investitsiyalar: 5,5 million AQSH dollari.

IT Park

- O‘zbekistonda IT Parkʼning barqaror rivojlanishi uchun asos yaratish va salohiyatni mustahkamlash loyihasi.

Amalga oshirish muddati: 2021–2025-yillar

Qabul qilingan investitsiyalar: 4,5 million AQSH dollari.

Toshkent axborot texnologiyalari universiteti

- O‘zbekistondagi eng yaxshi oliy ta’lim uchun Toshkent axborot texnologiyalari universitetida biznes IT-ta’limning innovatsion tizimini yaratish loyihasi.

Amalga oshirish muddati: 2022–2027-yillar.

Qabul qilingan investitsiyalar: 5 million AQSH dollari.

Seminar davomida “Koreya Texnoparkining o‘rni va Koreya texnoparki modelini mahalliylashtirish” mavzusida uchta loyiha haqida umumiy ma’lumot berildi va maxsus ma’ruza tinglandi.

KOICAʼning raqamlashtirish va startap dasturi “Raqamli O‘zbekiston – 2030” strategiyasini amalga oshirish va yosh avlod uchun munosib ish o‘rinlari bilan birga startap ekotizimini yaratishga xizmat qiladi.  Uchta loyiha xususiy, davlat va ilmiy doiralar o‘rtasidagi sheriklik shaklida o‘zaro bog‘langanligi sababli, birinchi qo‘shma seminar loyihalar o‘rtasida bog‘lovchi bo‘lib xizmat qildi hamda bilim va tajriba almashish orqali AKT va startaplarda o‘zaro hamkorlikni yo‘lga qo‘yish uchun hamkorlik platformasini yaratdi.

KOICAʼning O‘zbekistondagi vakolatxonasi uch loyihani amalga oshirishning borishi haqida ma’lumot almashish, tegishli sohalarda Koreya va boshqa mamlakatlarning bilim va tajribasini almashish maqsadida doimiy ravishda qo‘shma seminarlar o‘tkazishni rejalashtirgan.  Bundan tashqari, KOICA AKT va startap hamkorlari bilan faol ishtirok etadi va hamkorlik qiladi.