Namangan Tech Sammit xalqaro AKT forumi

Joriy yilning 22-23-may kunlari Namangan shahrida 62-an’anaviy Gullar festivali doirasida “Namangan Tech Summit” xalqaro AKT forumi bo‘lib o‘tadi.

"Namangan Tech Summit" – IT sohasiga kirib borish, o‘z faoliyati va biznesini jahon miqyosida rivojlantirish istagida bo‘lgan Namanganlik yoshlar uchun ajoyib imkoniyatdir.

Tadbir Namangan viloyati hokimligi tashabbusi bilan Namangan Tech Community va IT Park bilan hamkorlikda o‘tkazilmoqda. Forum raqamli texnologiyalar sohasi mutaxassislari, dunyoning yetakchi kompaniyalarida faoliyat ko‘rsatayotgan dasturchi, menejerlar hamda mahalliy yosh isteʼdodlar va IT-kompaniyalar vakillarini o‘zida jamlaydi.

Namangan texnologiya sammiti doirasida quyidagi mavzularda sessiyalar o‘tkaziladi:

• texnologiya va IT sohasiga qanday kirib borish;
• IT Park rezidenti yoki frilanser sifatida ishlash;
• AKT xizmatlarini eksport qilish (dasturiy ta'minot, dizayn, BPO, logistika);
• veb-sayt, raqamli marketing, SEO/SMM;
• mobil ilovalar;
• UI va UX dizayni.

Tadbirda ishtirok etish sizga dunyoqarashingizni kengaytirish, yangi texnologiyalar bilan tanishish, IT-sohasini rivojlantirish tendentsiyalari va istiqbollari haqida ma’lumot olish imkonini beradi.

Forum ishtirokchisiga aylanish uchun quyidagi havola orqali 22-mayga qadar roʻyxatdan oʻting: https://www.linkedin.com/events/namangantechsummit7045074695724892160/

Voqealar markazida bo‘lish va IT-sohasidagi yangiliklar bilan tanishish imkoniyatini qo‘ldan boy bermang!