Oʻzbekiston startaplari Silkway Acceleratorda ishtirok etishadi

Oʻzbekistonning ikkita Dalatech Systems va TezTok loyihalari Google va Astana Hub tomonidan Silkway Accelerator dasturiga tanlab olindi.

Markaziy Osiyo, Moʻgʻuliston va Gruziyadagi texnologik startaplarning jami 200 ta arizasidan eng yaxshi 15 tasi tanlandi. Arizalar Markaziy Osiyolik ekspertlar va Google for Startups vakillaridan iborat maxsus komissiya tomonidan baholandi.

Silkway Accelerator ishtirokchilari Google ekspertlarining mahorat darslari va individual mentorlikka kirish imkoniga ega boʻladilar. Shuningdek, ular mutaxassislar va taniqli tadbirkorlarning guruh uchrashuvlari va maʼruzalarida qatnashishlari mumkin. Jamoalar oʻz loyihalarini moliyalashtirish uchun ularni Demo Day-da investorlarga taqdim etadilar.

Silkway 2023 dasturi doirasida Astana Hub har bir jamoadan ikkita ishtirokchini uch oylik dastur davomida bepul turar joy, xalqaro ishtirokchilar uchun viza yordami, shuningdek, Google for Startups va Astana Hub tomonidan taʼlim va mentorlik bilan taʼminlaydi.