O‘zbekistonda “DevFest Tashkent 2021” keng ko‘lamli konferensiya bo‘lib o‘tadi

11-12 dekabr kunlari “DevFest Tashkent 2021” dasturchilar uchun Toshkentda GDG Tashkent (Google Developer Groups) tomonidan IT Park, Prezident taʼlim muassasalari agentligi, Digital Generation Uzbekistan, shuningdek, Yangi Oʻzbekiston universiteti tomonidan konferensiya boʻlib oʻtadi.  Tadbir onlayn va oflayn formatlarda oʻtkaziladi.

DevFest – bu Google homiyligidagi va butun dunyo boʻylab GDG (Google Developer Groups) hamjamiyatlari tomonidan oʻtkaziladigan bir qator tadbirlardir.  Anjumanning asosiy maqsadi yetakchi dasturchilar o‘rtasida tajriba almashish va Google kompaniyasi tomonidan ishlab chiqilgan ilg‘or texnologiyalarni o‘rganishdan iborat.

Tadbir Toshkent shahrida uchinchi bor o‘tkaziladi.  O‘tgan yillarda “DevFest Tashkent” mingdan ortiq ishtirokchilarni, shuningdek, o‘nlab xalqaro ekspertlarni o‘zida jamladi.

Tadbir doirasida Google, EPAM, TopTal, Ozon.ru, MTS, Selectel, Datasite Technologies, Super Dispatch, BILLZ, Super Unlimited, Google tomonidan sertifikatlangan ekspertlar  (Google Developer Experts) kabi kompaniyalar bilan ishlashda koʻp yillik tajribaga ega mahalliy va xalqaro spikerlar ishtirok etishdi. 

Festival davomida “Cloud Computing”, “Android” ilovalari arxitekturasi, Golang’da ishlanmalar, UX dizayni, Flutter bilan ilovalarni ishlab chiqish, texnik intervyulardagi tajriba va boshqalar kabi dolzarb mavzular muhokama qilinishi kutilmoqda.

Tadbir gibrid formatda oʻtkaziladi: onlayn va oflayn.  11-dekabr kuni onlayn sessiyalar, 12-dekabr kuni esa Yangi O‘zbekiston universitetida oflayn taqdimotlar va seminarlar bo‘lib o‘tadi.

DevFest Tashkent 2021 ishtirokchilari xalqaro ekspertlardan bebaho tajriba orttirish, yangi texnologiyalarni o‘rganish, turli sohalarda o‘z malakalarini oshirish, hamkasblari bilan yangi mahsulotlarni muhokama qilish va yirik IT hamjamiyatining bir qismiga aylanish uchun noyob imkoniyatga ega bo‘ladilar.

Tadbirda ishtirok etish bepul, lekin oldindan ro‘yxatdan o‘tish talab etiladi.

Tadbirga oid barcha maʼlumotlarni GDG Tashkent rasmiy sahifalarida topishingiz mumkin:

Telegram: http://t.me/gdgtashkent

Instagram: http://instagram.com/gdgtashkent

Facebook: GDG Tashkent