Open Data Challenge 2025 hakatonining natijalari

Yangi Oʻzbekiston universitetida IT Park, YeXHTning Oʻzbekistondagi loyihalari koordinatori va “UzStat” koʻmagida tashkil etilgan “Open Data Challenge 2025” hakatoni yakuniga yetdi. Tadbirga 600 dan ortiq kishi roʻyxatdan oʻtdi, ulardan 155 nafari ochiq maʼlumotlardan foydalangan holda innovatsion yechimlarni ishlab chiqishga tayyor boʻlgan ishtirokchilar saralab olindi.

“Tajriba qilishdan qoʻrqmang”

Yangi Oʻzbekiston universitetining moliya boʻyicha prorektori Shakirov Hasan qutlov soʻzi bilan chiqdi. U innovatsiyalarning mamlakat taraqqiyoti uchun ahamiyatini taʼkidladi.

“UzStat” ochiq maʼlumotlar portali monitoringi direktori Akrom Sultonov raqamli yechimlarning barqaror rivojlanishi uchun ochiq maʼlumotlarning ahamiyati haqida soʻzladi.

YEXHTning Oʻzbekistondagi koordinatori vakili Kuper Seynsberining qoʻshimcha qilishicha, ochiq maʼlumotlar nafaqat innovatsiyalar, balki fuqarolar hayot sifatini yaxshilash haqida ham.

Hakamlar hayʼati aʼzolari

65 ta jamoadan 22 tasi yarim finalga chiqdi. Finalga esa 8 ta jamoa yetib keldi.

Hakamlar hayʼatiga “UzStat”, “GDG”, “Uzcard VC” va “AloqaVentures” kabi tashkilotlar ekspertlari, shuningdek, korrupsiyaga qarshi kurashish sohasi vakillari kiritildi. Ular loyihalarni quyidagi mezonlar boʻyicha baholadilar:

• innovatsionlik;
• amaliy qiymat;
• ochiq maʼlumotlardan foydalanish;
• yechimlarning barqarorligi.

Gʻoliblar

Gʻoliblikni etender.uzex.uz ochiq maʼlumotlar platformasidan tenderlarni tahlil qilishga moʻljallangan noyob platformani ishlab chiqqan “Restarted Ducks” jamoasi qoʻlga kiritdi. Platforma davlat xaridlari jarayonlarida qoidabuzarliklarni aniqlash, shaffoflikni taʼminlash va shubhali faoliyatni aniqlash uchun ilgʻor algoritmlar va maʼlumotlarni tahlil qilish usullaridan foydalanadi.

Ikkinchi oʻrinni imkoniyati cheklangan insonlar uchun sunʼiy intellektdan foydalanadigan startap — “Jamila Assistant” jamoasi egalladi. Messenjerlarni ovozli boshqarish, internetdan qidirish va operatsion tizimda navigatsiya qilish funksiyalari bilan loyiha ishlab chiquvchilari qoʻlsiz kompyuterlardan foydalanishga yordam beradilar.

Uchinchi oʻrinni ochiq maʼlumotlardan foydalangan holda real vaqt rejimida katta maʼlumotlarni tahlil qilish yechimini taklif qilgan “Raccoons AI” jamoasi qoʻlga kiritdi. Ular ishlab chiqqan chat-bot orqali Konstitutsiya, biznes va yoʻl harakati bilan bogʻliq savollarga javob olish mumkin.

Taqdirlash marosimida “IT Park Ventures” direktori Azamat Karamatov va startap ekotizimini rivojlantirish boʻlimi boshligʻi Shahzod Narzullayev ishtirokchilarni tabriklab, bunday tadbirlarning Oʻzbekistonda innovatsion muhitni rivojlantirish uchun muhimligini taʼkidladilar.

“Open Data Challenge 2025” hakatoni mamlakat startap ekotizimi uchun yorqin voqea boʻldi va ochiq maʼlumotlardan foydalanish muvaffaqiyatli va barqaror texnologiyalarni yaratish uchun asos boʻlishi mumkinligini namoyon etdi.