Poytaxtda “Digital Business Women – 2022” konferensiyasi bo‘lib o‘td

18-noyabr kuni International Hotel Tashkentʼda “Digital Business Women – 2022” konferensiyasi bo‘lib o‘tdi.

Tadbirda O‘zbekiston Respublikasi Axborot texnologiyalari va kommunikatsiyalarini rivojlantirish vaziri maslahatchisi Kamola Sobirova, shuningdek, IT Park raqamli transformatsiya bo‘limi boshlig‘i vazifasini vaqtincha bajaruvchi Madina Musurmankulova ishtirok etdilar.

O‘zbekiston ishbilarmon ayollar Assotsiatsiyasi raisi Gulnara Maxmudova, AQShning O‘zbekistondagi Favqulodda va Muxtor elchisi Jonatan Xenik, YeXHTning O‘zbekistondagi loyihalari koordinatori Xans-Ulrix Ihm, shuningdek, Germaniyaning xalqaro hamkorlik bo'yicha jamg'arma kassalari fondining uzoq muddatli eksperti va vakili Matias Vangler va boshqalar so'zga chiqdilar.

Spikerlarning har biri O‘zbekiston hukumati tomonidan raqamli biznes sohasida ayollar tadbirkorligini qo‘llab-quvvatlash siyosatini amalga oshirish bo‘yicha g‘oyalarni ilgari surdi: asosiy yo‘nalish va mexanizmlarni ishlab chiqish.

Kamola Sobirova “O‘zbekistonda IT-sohani rivojlantirishda tadbirkor ayollarning faolligini oshirish” mavzusida ma’ruza qildi.  U o‘z taqdimotida O‘zbekiston hukumati tomonidan ayollarni AKT sohasiga jalb qilish bo‘yicha amalga oshirilayotgan ishlar va AKT vazirligi tomonidan ayol-tadbirkorlar uchun yaratilgan imkoniyatlar haqida so‘zlab berdi.

Madina Musurmankulova IT Park tomonidan qo‘llab-quvvatlanayotgan ayollar loyihalari haqida gapirdi.  Xususan, IT Park Uzbekistan tomonidan AQSh Xalqaro taraqqiyot Agentligi (USAID) bilan hamkorlikda amalga oshirilayotgan eng yirik loyihalardan biri – Tumaris.Techʼga alohida e’tibor qaratildi. 

Tumaris.Tech dasturi ayollarning tadbirkorlik tashabbuslarini har tomonlama qo‘llab-quvvatlaydi.  2022-yilda loyiha Markaziy Osiyo bosqichiga chiqdi. Ayollar loyihasining muvaffaqiyati xalqaro sovrin bilan taqdirlandi: bu yil “Tumaris Tech” Xalqaro elektraloqa ittifoqi (ITU) tomonidan “Capacity building” sohasidagi eng yaxshi xalqaro loyiha deb topildi. Loyiha natijalariga koʻra: 200 dan ortiq ayollar o'qitildi; 120 ta startap-loyiha inkubatsiya va akseleratsiya dasturidan o‘tdi;  IT-tadbirkorlik bo‘yicha 100 nafar mutaxassis tayyorlandi.

Shuningdek, tadbirda bir nechta yirik tashkilotlar vakillari va ularning rahbarlari tadbirkorlik faoliyatida ayollarni biznesda qo‘llab-quvvatlash rejalari va istiqbollarini muhokama qildilar.