Poytaxtda Innovatsion g‘oyalar haftaligi bo‘lib o‘tadi

17–21-oktyabr kunlari Toshkentda Innovatsion rivojlanish vazirligi tashabbusi bilan 2018-yildan buyon o‘tkazib kelinayotgan “InnoWeek” innovatsion g‘oyalar haftaligi bo‘lib o‘tadi.

Koʻrgazmaning maqsadi mahalliy va xorijiy vakillarning eng ilg‘or innovatsion texnologiyalari, mahsulotlari, loyihalari, biznesning turli sohalari uchun prototiplar yoki modellarni namoyish etish va targʻib qilish uchun ishonchli platforma yaratishdan iborat.

Bu yilgi InnoWeek mavzusi “Barqaror rivojlanish uchun yashil innovatsiyalar” boʻladi. InnoWeek doirasida forumlar va seminarlar, shuningdek, dasturchilar muqobil energetika, biotexnologiya, kimyo sanoati, robototexnika va materialshunoslik sohalarida tadqiqot loyihalarini taqdim etadigan xalqaro ko‘rgazma bo‘lib o‘tadi.

Innovatsion g‘oyalar haftaligida 50 dan ortiq xorijiy davlatlar va xalqaro tashkilotlar vakillari, 100 dan ortiq kompaniya va 40 ga yaqin texnologik kompaniyalar, jumladan IT Park rezident-kompaniyalari ishtirok etishi rejalashtirilgan.

Batafsil maʼlumot uchun: https://innoweek.uz/