TATU talabalari IT Park faoliyati bilan tanishdilar

2022-yil 9-noyabr kuni Toshkent axborot texnologiyalari universiteti “Elektronika va radiotexnika” kafedrasi o‘qituvchilari L.E. Bayjonova, O.X. Nushtayeva, U.Sh. Sobirova va N.A. Musadjanova IT Park mutaxassislari bilan birgalikda “Telekommunikatsiya texnologiyalari” hamda “Radio va mobil aloqa” fakultetlari talabalari uchun ekskursiya uyushtirdilar.

Ekskursiya davomida IT Park xodimlari talabalarga tashkilot faoliyati haqida so‘zlab berdilar, musobaqalar, xakatonlar, akseleratsiya va inkubatsiya dasturlari haqida ma’lumotlar bilan boʻlishdilar.

Talabalar IT Park nima bilan shugʻullanayotganiga maksimal darajada qiziqish bildirishdi hamda xodimlarga tashkilot va umuman IT sohasi bilan bogʻliq barcha qiziqtirgan savollarni berishga muvaffaq boʻlishdi.

Bundan tashqari, mehmonlarga rezident-kompaniyalarda amaliyot o‘tash imkoniyati va IT-Markazlardagi kurslar haqida maʼlumot berildi.

Bunday amaliyotlar talabalarga kelajakda oʻzlarining kasbiy vakolatlarini qaysi sohada amalga oshirishlari mumkinligini tushunishga imkon beradi.