Joriy yilning 4-7-mart kunlari O‘zbekiston Respublikasi raqamli texnologiyalar vazirligi delegatsiyasi vazir Sherzod Shermatov boshchiligida IT Park bosh direktori Farhod Ibragimov bilan birgalikda Amerika qo'shma shtatlariga amaliy tashrif buyurdi.
Tashrifdan ko‘zlangan maqsad xalqaro tashkilotlar va kompaniyalar bilan hamkorlikni mustahkamlash, shuningdek, xorijiy kompaniyalarni O‘zbekistonga jalb etish, IT eksportini oshirish, yangi ish o‘rinlari yaratish va o‘zbek kompaniyalarining xorijiy bozorlarga kengayishini faol qo‘llab-quvvatlashdan iborat.
Tashrif doirasida delegatsiya 5-mart kuni EPAM Systems texnologiya yechimlari bo‘yicha vitse-prezidenti Kris Layer, davlat sektori bo‘yicha vitse-prezident Anna Danegger va raqamli aloqalar bo‘yicha katta direktor Liza Butcher bilan uchrashdi.
EPAM dunyodagi eng yirik IT ta’lim kompaniyasi ekanligini hisobga olib, vazir kompaniya vakillarini O'zbekistonda ta’lim faoliyatini kengaytirishga taklif qildi. Kelgusi yilda mamlakatimizga zarur bo‘lgan 65 ming IT-mutaxassisni tayyorlash maqsadiga erishishda kompaniyaning hissasi zarurligini ta’kidladi. Xususan, sun’iy intellektga ixtisoslashgan yo'nalishlarda kadrlar tayyorlashga e’tibor qaratish zarurligi qayd etildi. EPAM vakillari ommabop ta'lim kurslarini tashkil qilishda kompaniya o‘z mutaxassislarini jalb qilish uchun zarur salohiyatga ega ekanligini ta’kidladilar. Mazkur loyiha uchun Jahon banki va XVF tomonidan moliyalashtirishni jalb qilish imkoniyatlari muhokama qilindi.
EPAM elektron hukumat sohasidagi loyihalarni amalga oshirishda katta tajribaga ega ekanligini hisobga olib, vazir O'zbekistonda elektron hukumatni rivojlantirish bo‘yicha mutaxassislar markazini tashkil etish g‘oyasini taklif qildi. Gap keyinchalik boshqa mamlakatlarga eksport qilish uchun elektron hukumat loyihalariga tatbiq etish uchun mahsulot va xizmatlarni ishlab chiqish laboratoriyasini O'zbekistonda tashkil qilish haqida ketdi.
Uchrashuv yakunida EPAM vakillari taklif qilingan g‘oyalarni kompaniyaning yuqori rahbariyati bilan vaqt oralig‘i va ularni amalga oshirish uchun zarur bo'lgan resurslarni batafsilroq baholash bo‘yicha muhokama qilishlarini ta’kidladilar. Keyingi uchrashuvlarni har ikki tomonning tegishli ishchi guruhlarida muhokama qilishga kelishib olindi.
1993-yilda tashkil etilgan EPAM Systems bugungi kunda dunyoning 40 dan ortiq mamlakatlarida o‘z xizmatlarini faol ravishda taqdim etmoqda, ularning soni 52 650 dan ortiq va kapitallashuvi 28,1 milliard dollarni tashkil etadi. U bir necha bor eng tez rivojlanayotgan Forbes va Fortune texnologik kompaniyalari ro‘yxatiga kiritilgan.
Kompaniya O‘zbekistonda o'z faoliyatini 2019-yilda boshlagan va hozirda IT parkning yetakchi rezidentlaridan biri hisoblanadi. U tashqi bozorlar uchun yuqori texnologiyali dasturiy ta’minotni ishlab chiqish xizmatlarini taqdim etadi. Epam Systems bilan hamkorlikda O'zbekistonda IT sohasidagi amaliy bilimlarga e’tibor qaratadigan birinchi onlayn IT Park universiteti ishga tushirildi.
2024-03-06