AKT Vaziri Nukusdagi IT-texnikumi va inkubatsiya markazining ochilishida ishtirok etdi

2022-yilning 7-fevral kuni O‘zbekiston Respublikasi Axborot texnologiyalari va kommunikatsiyalarini rivojlantirish Vaziri Sherzod Shermatov Nukusdagi IT Park filialida, vaqtincha joylashgan IT-texnikumning ochilishida ishtirok etdi.

Tashrif davomida Vazir mazkur filialda amalga oshiriladigan ishlar bilan tanishdi, hamda, mahalliy startaplar asoschilari va IT-Markazlarning talabalari bilan norasmiy muloqot o‘tkazdi.







 

Filial faoliyatining asosiy yoʻnalishlari quyidagilardan iborat bo‘ladi:

 - IT-taʼlimni rivojlantirish;

 - startap-ekotizimini rivojlantirish;

 - IT-kompaniyalarni qoʻllab-quvvatlash;

 - venchur investitsiyalarni rivojlantirish;

 - xorijiy tashkilotlar bilan hamkorlik.

Shuni ham taʼkidlash joizki, bugungi kunga qadar IT Parkʼning Nukus filialida 3 ta IT-kompaniya roʻyxatdan oʻtgan.  Ular tomonidan ishlab chiqarilgan mahsulotlarning umumiy aylanmasi 875,5 million so‘mni tashkil etadi.

Bundan tashqari, joriy yilning mart oyida Nukusda BPO-kompaniyasini tashkil etish rejalashtirilgan.  Mazkur korxonada 50 ta ish o‘rni yaratiladi.  2022-yil oxirigacha BPO-kompaniyasi 150 ming dollarlik eksport hajmini amalga oshirishni rejalashtirmoqda.

IT Park inkubatsiya markazining ochilishi

Vazir Muhammad Al-Xorazmiy nomidagi Toshkent axborot texnologiyalari universitetining Qoraqalpog‘iston Respublikasi Nukus filialida IT Park inkubatsiya markazining ochilishida ham ishtirok etdi.

Tadbirda Qoraqalpog‘iston Respublikasi viloyati rahbari Timur Bayekeyev, TATU Nukus filiali rektori Batirbek Kayipbergenov va IT Park Qoraqalpog‘iston Respublikasi filiali direktori Madiyar Elmuratov ham ishtirok etdilar.

Inkubatsiya markazi robototexnika xonasi, amaliyot xonasi, o‘quv o‘yinlari xonasi va boshqalarni o‘z ichiga oladi.

Universitet talabalari inkubatsiya markazida ishlanmalar taqdimotini o‘tkazib, ularni to‘laqonli loyihalarga tatbiq etish, ishlab chiqarish va eksport qilishni yo‘lga qo‘yish bo‘yicha tavsiyalar oldilar. Bugungi kunga qadar talabalar ushbu OTM’da inkubatsiya dasturidan oʻtmoqdalar.

 Inkubatsiya dasturining ishtirokchilari quyidagilarga ega:

 - mentorlarning yordami;
 - tadbirkorlik va IT sohasidagi mutaxassislarning seminarlari;
 - tanlovlar;
 - investorlarni jalb qilish uchun taqdimotga tayyorgarlik.

Qoraqalpog‘iston Respublikasida ham startap ekotizimini rivojlantirish bo‘yicha faol ishlar tashkil etilganini alohida ta’kidlaymiz.  Xususan, 60 dan ortiq startap va innovatsion loyihalar ro‘yxatdan oʻtib, 50 dan ortiq tadbir tashkil etildi. Tadbirlar oʻz ichiga oladi: xakatonlar, ideatonlar, One Million Uzbek Coders loyihasi doirasidagi tadbirlar, vebinarlar, seminarlar, master-klasslar, forumlar va mahorat darslari.  Amalga oshirilgan chora-tadbirlar natijasida 8 ta startap loyihasini moliyalashtirish va amalga oshirish ishlari olib borilmoqda.

Bundan tashqari, respublikada aholining keng qatlamlari uchun hamyonbop IT-ta’limni rivojlantirish bo‘yicha faol ishlar olib borilmoqda.  Xususan, Qoraqalpog‘iston Respublikasining barcha 17 shahar va tumanlarida, xususan: Nukus, Amudaryo, Beruniy, Buzatovda, hamda, Kegayli, Ganlikul, Kangirat, Karauzak, Mo‘ynoq, Nukus, Taxtako‘pir, Chimboy, Taxiatosh, To‘rtko‘l, Xo‘jayli, Shumanay va Ellikqol tumanlarida IT-Markazlar tashkil etildi.

2021-yilda ushbu IT-Markazlarida 3255 nafar talaba quyidagi yo‘nalishlar bo‘yicha tahsil oldilar: dasturlash asoslari, kompyuter savodxonligi, robototexnika, veb va mobil ilovalarni yaratish, kompyuter grafikasi, axborot texnologiyalari sohasida innovatsion tadbirkorlik, IT-ingliz tili va IT-arxitekturasi.

Shuningdek, 2021-yilda Temir daftar, Ayollar kitobi va Yoshlar kitobiʼga kiritilgan fuqarolarga yordam ko‘rsatish maqsadida Qoraqalpog‘iston Respublikasi axborot texnologiyalari markazlarida 456 nafar rezident Kompyuter savodxonligi kursida bepul taʼlim olishdi.