4-avgust kuni loyiha rahbari Dilshodbek Shuhratov, startap menejeri Sardorbek Turdaliyev va IT Park Andijon filialining ta’lim bo‘yicha mutaxassisi Jasurbek Abdugaipov Sharda University rektori Sanjay Pal bilan uchrashdilar.
Tomonlar ta’lim sohasidagi hamkorlik masalalarini muhokama qildilar. Shu tariqa, uchrashuv ishtirokchilari endilikda Andijon viloyatidagi IT Markazlari bitiruvchilari 50% gacha bo‘lgan grant asosida imtihonsiz Sharda Universiteti talabasi bo‘lishlari mumkinligiga kelishib oldilar.
Sharda Universityʼda o‘qish uchun grant olishi mumkin bo‘lgan bo‘lajak talabalar hududiy filial mutaxassislari tomonidan talabalarning bilimi va muvaffaqiyatidan kelib chiqib tanlab olinadi. Grant dasturi joriy yilning sentabr oyidan boshlab ishga tushiriladi.
Uchrashuv davomida tomonlar grantlar sonini ko‘paytirish va OTM binosida talabalar uchun inkubatsiya markazi tashkil etish imkoniyatlarini ham muhokama qildilar. Bundan tashqari, muloqot ishtirokchilari yoshlar uchun onlayn ta’limni rivojlantirishga hissa qo‘shadigan startap loyihalarni, jumladan, moliyaviy jihatdan qo‘llab-quvvatlash niyatida.
2022-08-09