Buxoroda yangi BPO-markazining ochilish marosimi bo‘lib o‘tdi. Unda Buxoro viloyati hokimining o‘rinbosari Xamrayev Mirali Muxammadjonovich, Axborot texnologiyalari va kommunikatsiyalarini rivojlantirish Vazirligi vakillari, IT Park xodimlari, hamda, OAV vakillari ishtirok etdilar.
Markazning asosiy maqsadi yoshlar bandligini ta’minlash, xorijiy kompaniyalar bilan hamkorlik qilish imkoniyatini yaratish va IT-xizmatlari eksportini oshirishdan iborat.
Yangi markaz AKT Vazirligi ko‘magida “PROSPECTIVE FUTURE TEAM” MChJ negizida tashkil etildi. U AQShda yuk mashinalari harakatini logistika va nazorat qilish sohasida ishlash uchun yaratilgan. Endilikda markazning BPO-maktabi o‘nlab yuqori malakali kadrlarni tayyorlashga qaratilgan.
Bugungi kunda markazda 50 nafar yosh mutaxassislar faoliyat yuritmoqdalar. Xodimlarning ishlashi uchun barcha shart-sharoitlar yaratilgan, ulardan ingliz tilini mukammal bilishi, kompyuterga ega bo‘lishi talab qilinadi.
Aytish joizki, bu Buxoro viloyatida ochilgan birinchi BPO-markazi.
Maʼlumot uchun: Business Process Outsourcing (BPO – biznes jarayonlari autsorsingi) – bu bu autsorsing turlaridan biri boʻlib, unda tashkilot asosiy boʻlmagan biznes jarayonlarini boshqa kompaniyaga xizmat koʻrsatishga topshiradi.
2022-06-27