Dasturchi qanday fazilatlarga ega bo'lishi kerak?

Zamonaviy dunyoda dasturchi kasbi tushunchasi ajoyib, talabgor va daromadli xisoblanadi. O'zingizni haqiqiy dasturchi deb atash uchun uch oylik dasturlash kursini o'tash kifoya qiladimi?

Zamonaviy dunyoda dasturchi qanday fazilatlarga ega bo'lishi kerak?

1. Mantiqiy fikrlash.

Dasturlash dasturchidan tahliliy zehnga ega bo'lishni talab qiladi. Aks holda, har qanday muammoga yechim toppish mushkul bo'ladi. Dasturlashda barcha kodlar mantiqiy ravishda ketma-ketlikda tuzilgan bo’ladi va bu mantiqni yo'qotib bo'lmaydi. Aks holda, biror narsa o’xshamaydi va xato yoki undan ham yomonroq narsani qidirishda koddan kodga o'tib yurishga to'g'ri keladi. Tahliliy fikrlashda davom etish kerak va har yerda, ayniqsa dasturlashda, rioya qilish kerak bo'lgan mantiq borligini unutmaslik kerak.

2. Diqqatlilik va diqqatni jamlash qobiliyati.

Boshqa har qanday ishda bo'lgani kabi, dasturlashda, diqqatlilik va biron bir vazifaga yoki biror bir elementga e'tiborli bo’lish qobiliyati juda muhim ko'nikma xisoblanadi. Yuzlab, va hatto minglab qatorli kodlar - dasturchi ko'pincha duch keladigan jarayon. Xatolarga yo’l qo’ymaslik va ularni o’sha yuzlab kod satrlari orasida qidirmaslik uchun juda e’tiborli bo'lish kerak. Siz diqqatingizni uzoq vaqt davomida bitta vazifaga qaratishingiz, tashqi suhbatlar, bildirishnomalar va xatlar, shuningdek fikrlar va his-tuyg'ularingiz bilan chalg'imasligingiz kerak. Albatta, tanaffuslar haqida ham unutmasligingiz kerak, lekin e'tiboringizni bir necha soat ushlab turish siz uchun juda foydali bo’ladi.

3. Toqatlilik.

Bu judayam mantiqqa ega. Axir, ko'p sonli kodlar va ma'lumotlar bilan ishlash uchun siz tirishqoq bo'lishingiz kerak. Dasturchining ishi birinchi navbatda uzoq vaqt o’tirgan holda bajariladigan ish xisoblanadi. Uzoq vaqt davomida qat’iyat bilan ishlash tezda muvaffaqiyatga olib keladi. Bu qanchalik paradoksal ko'rinsa ham.

4. Qiziquvchanlik.

Kimdir uchun bu hayratlanarli tuyulishi mumkin. Nima uchun dasturchiga qiziquvchanlik kerak? Ammo siz tushunishingiz kerakki, bu holda qiziquvchanlik  burningizni keraksiz joyga suqish yoki qiziquvchan odamga xos bo'lgan boshqa narsalarni qilish degani emas. Aynan sizga kerak bo'lgan qiziquvchanlik, modomiki sizning bilimlaringiz ma'lum bir texnologiya, til va boshqalar bilan bog’liqligini tushunsangiz, ko'proq o’rganishni istashingizdir.

5. Mas'uliyat.

Dasturchining ishi o'zi yaratadigan kod uchun katta mas'uliyatni talab qiladi. Avvalo, o'zi, keyin mijoz va buyurtmachi oldida ma’suliyatli bo’lishi kerak. Umuman olganda har qanday boshqa ish kabi. Biror ishda muvaffaqiyatli bo'lish uchun albatta ma’suliyatli bo’lishingiz ham kerak.

6. O'zini takomillashtirish istagi.

Shaxsiy va kasbiy ko'nikmalarni rivojlantirish uchun o'zini rivojlantirish zarur. Prinsip oddiy, qanchalik ko'p rivojlansangiz, shunchalik yaxshi bo'lasiz. Ishda, maktabda, shaxsiy hayotda. Dasturchining bunday sifati uni butun faoliyati davomida yetakchi lavozimlariga olib borishi yoki o'z sohasining birinchi darajali mutaxassisi qilishi mumkin. Doimiy ravishda o'rganishni, eng yangi frameworklarni o'rganishni va hamkasblar bilan muloqot qilishni unutmang.

7. Xayol.

Kutmaganmidingiz? Ammo, ha, yaxshi tasavvur, dasturchining boshqa sifatlari bilan bir qatorda, oddiy echimlarni topishga va kodni yanada soddalashtirishga imkon beradi, shunda boshqa dasturchilar qanday qilib bu yechimni topganingizga hayratda qolishadi. O'z navbatida, tasavvur qilish, kodni fikriy ravishda ko’z oldiga keltirib qilishning ajoyib usuli hamdir.

8. Jamoada ishlash qobiliyati.

Ko'pgina dasturchilar odamlar va dunyo bilan aloqani minimallashtirib o'zlari bilan yolg'iz ishlagan vaqtlar allaqachon o'tib ketgan. Endilikda esa yuqori pog'onada bo'lishni va yaxshi pul ishlab topishni istagan har bir dasturchi jamoada ishlashni bilishi kerak. Shuning uchun, siz samarali muloqot qilishni o'rgansangiz, yordam so'rashdan yoki hamkasbingizning fikrini so'rashdan qo'rqmasangiz, sizning ishlaringiz yuqori cho’qqilarga ko'tariladi.

9. Tirishqoqlik.

Tirishqoqlik bu uzoq muddatli maqsadlarga erishishga va ulardan voz kechmaslikka undaydigan shaxsiy fazilatdir. Shuningdek tirishqoqlik, masalaga berilgan shaxsiy yechimini qo'llab-quvvatlash yoki yangi xususiyatni kiritishda ham foydalidir. Ko'pincha, bu sifat loyihada vaqt va resurslarni tejashda yordam beradi.

Ehtimol, bu yaxshi dasturchi u yoki bu tarzda ega bo'lishi kerak bo'lgan eng asosiy fazilatlardir. Va agar sizda ularning kamida bittasi bo'lsa, unda qolgan sakkiztasini ham shakllantirishingiz mumkin. 6 va 9 punktlar haqida unutmang. Faqat o'zingizni takomillashtirishga intiling va qat'iyatli bo'ling!