Huawei bosh direktori IT Park’ga tashrif buyurdi

Joriy yilning 13-dekabr kuni Huawei bosh direktori Liu Jiaxing boshchiligidagi delegatsiya IT Park’ga tashrif buyurdi.

Uchrashuvda, IT Park direktori Farhod Ibragimov, IT Park direktorining xalqaro aloqalar bo‘yicha o‘rinbosari Bohodir Ayupov, IT Park direktorining mintaqaviy rivojlanish bo‘yicha o‘rinbosari Abdulaxad Qo‘chqorov, Huawei bulutli yechimlar bo‘yicha ekspert Liu Sai va boshqalar ham ishtirok etdilar.

Tadbir davomida tomonlar O‘zbekistonda IT ta’limni rivojlantirishning ijobiy dinamikasini hamda IT Park tomonidan amalga oshirilayotgan ta’lim loyihalarini muhokama qildilar. Bugungi kunda mamlakatimizning 25 ta oliy o‘quv yurtida talabalar o‘z startap loyihalarini amalga oshiradigan inkubatsiya markazlari faoliyat ko‘rsatmoqdaligi qayd etildi. Bundan tashqari, IT Park va Huawei oʻrtasida AKT sohasidagi mutaxassislar va yosh isteʼdodlarni qoʻllab-quvvatlash boʻyicha qoʻshma loyihalarni yaratish imkoniyatlari muhokama qilindi.

Huawei bosh direktori Liu Jiaxing O‘zbekistonda IT sohasida katta salohiyatga ko‘plab yosh iste’dodlar borligini ta’kidladi.

Natijada tomonlar hamkorlikka, shuningdek, qo‘shma faoliyatni amalga oshirishga qiziqish bildirdilar. Xususan, tomonlar xalqaro ekspertlarni jalb qilish orqali raqamli bilimlarni oshirish va tajriba almashish maqsadida mutaxassislarni sertifikatlash orqali o‘quv treninglarini o‘tkazishni rejalashtirdilar.