ICTWEEK Uzbekistan 2022 doirasidagi BPO sammiti qanday o‘tdi?

Oʻzbekiston IT sohasidagi eng yirik tadbir “ICTWEEK Uzbekistan 2022”ga 24-oktabr kuni Samarqandda start berilgan edi. AKT Haftaligining ikkinchi kuni, 25-oktabr kuni IT Park tomonidan BPO sammiti bo‘lib o‘tdi.

Sammit nima uchun oʻtkazilgan edi?

Sammit maqsadi – mehmonlarga IT investitsiyalari, IT-autsorsing va xorijdan buyurtmalar olishning yangi imkoniyatlarini o‘rganishga yordam berishdan iborat.

Shunday qilib, uzoq vaqtdan beri ITʼga sarmoya kiritish haqida oʻylayotganlar uchun, bu juda qiyin boʻlib tuyulishi mumkin, lekin BPO qismida nuqtai nazaridan IT-autsorsing yoʻnalishi – boshlash uchun eng ideal variantdir.  BPO kompaniyasiga ega bo‘lganlar va xorijdan yangi yirik buyurtmalar olish yoki taqdim etilayotgan hamda eksport qilinadigan IT-xizmatlari hajmini oshirish istagi borlarga sammitda katta natijalarga erishish uchun ushbu yo‘nalishdagi ishlarni qanday takomillashtirish kerakligi haqida gapirib berishdi. Bundan tashqari, ishtirokchilar BPO sohasidagi eng yirik investorlar va mijozlar bilan toʻgʻridan-toʻgʻri muloqot qilish, oʻz tarmoqlarini yaxshilash va yangi keng koʻlamli buyurtmalarni topish imkoniyatiga ega boʻldilar.

IT-autsorsingning dolzarb masalasini muhokama qilish maqsadida AQSh, Kanada, Koreya Respublikasi, Rossiya Federatsiyasi, Turkiya, Belarus, Bangladesh, Italiya va boshqalar kabi qator mamlakatlardan BPO kompaniyalari vakillari tashrif buyurishdi. Oʻzbekiston IT Park rahbariyati, mutaxassislari va rezidentlari hamda ushbu yo‘nalishga befarq bo‘lmagan mehmonlar tomonidan taqdim etildi.

Sammitda qanday qiziqarli voqealar sodir boʻldi?

Sammitda dunyoning deyarli barcha qitʼalaridan oʻnlab investorlar va mijozlar ishtirok etishdi!

Ular mehmonlarga BPOʼda biznesni qanday va nima uchun boshlash kerakligini, BPO mutaxassislarini qayerdan topish va qanday oʻqitishni aytib berishdi, shuningdek, BPO kompaniyalari uchun texnik va moliyaviy yordam olishingiz mumkin boʻlgan insaydlar bilan boʻlishishdi.

Sammit doirasida O‘zbekiston IT-bozori statistikasi va tadqiqotlari, IT-xizmatlarini eksporti sohasidagi ko‘rsatkichlari, Jahon bankining “Oʻzbekistonda raqamli inklyuziya” loyihasi taqdim etildi.

Bundan tashqari, tadbir davomida “Muvaffaqiyatli global BPO biznesining asosiy omillari” mavzusida panel muhokamasi boʻlib oʻtdi, unda xalqaro IT-autsorsing bozorining asosiy ishtirokchilari va xalqaro tashkilotlar vakillari ishtirok etishdi.

Ular orasida FIFO Tech direktori Towhid Hossain Managing (Bangladesh), Assured Partners Transportation vitse-prezidenti Kenneth Lacey (AQSh), STPI yuridik ishlar boʻyicha direktori Sanjay Tyagi (Hindiston) va boshqalar bor.

Eslatib oʻtamiz, IT Park BPO kompaniyalari uchun quyidagi qoʻllab-quvvatlash turlarini taqdim etadi:

• kompaniyani roʻyxatdan oʻtkazish;
• ofis topish va uni texnika va mebel bilan jihozlash;
• birinchi olti oy uchun imtiyozli ijara;
• malakali xodimlarni tanlash.

Agar mutaxassislarni tayyorlash kerak boʻlsa, IT Park imtiyozli kredit taqdim etadi. Ariza topshirish uchun: bpo.mitc.uz.