IT Park “Covid-19 pandemiyasi fonida O‘zbekistonda raqamlashtirish salohiyatini ochish” mavzusidagi xalqaro davra suhbatida ishtirok etdi.

2020-yil 17-sentyabr kuni Zoom platformasida “Covid-19 pandemiyasi fonida O‘zbekistonda raqamlashtirish salohiyatini ochish” mavzusidagi xalqaro davra suhbati bo‘lib o‘tdi.

Tadbir BMT taraqqiyot dasturining BMT tizimidagi "COVID-19" pandemiyasiga ijtimoiy-iqtisodiy javob choralari, shuningdek, Vazirlar Mahkamasi, O'zbekiston Respublikasi axborot texnologiyalari va kommunikatsiyalarini rivojlantirish vazirligi tomonidan IT Park, Jahon banki, Sog'liqni saqlash vazirligi va Amity universiteti bilan hamkorlikda tashkil etildi.

Davra suhbati BMT mamlakat guruhi a'zolari, Jahon banki va ularning hukumat hamkorlari, taraqqiyot agentliklari, akademiklar, xususiy sektor va fuqarolik jamiyati a'zolari o'rtasida raqamli transformatsiya bo'yicha maslahatlarni osonlashtirishga qaratilgan bo'lib, 2017-yildan boshlab O'zbekistonning raqamli rivojlanish sohasidagi yutuqlarini umumlashtirish, COVID-19 va boshqa oqibatlarga ta’sir ko‘rsatish va ularga qarshi kurashish uchun O'zbekistonda raqamli texnologiyalardan foydalanish samaradorligi darajasini muhokama qilish maqsadida tashkil etildi.

Tadbirda O‘zbekiston Respublikasi Axborot texnologiyalari va kommunikatsiyalarini rivojlantirish vazirining birinchi o‘rinbosari Oleg Andreyevich Pekos, BMTTDning doimiy vakili Matilda Dimovsk, Jahon bankining O‘zbekistondagi vakolatxonasi rahbari Marko Mantovanelli, shuningdek, IT Parkning xalqaro faoliyat bo‘yicha direktor o‘rinbosari Bahodir Ayupov, Sarmoyalar bo‘yicha bosh menejer, Sasha Sternik va boshqa milliy va xalqaro ishtirokchilar qatnashishdi.

Davra suhbatida mamlakatimizda raqamli rivojlanish bo‘yicha islohotlar va rejalar, IT sohasida xotin-qizlarning o‘rni va mamlakatning startap ekotizimi, ta’lim jarayoniga raqamli texnologiyalarni joriy etish va boshqa ko‘plab masalalar muhokama qilindi.

Natijada davra suhbati ishtirokchilari O‘zbekistonda raqamli texnologiyalar yordamida pandemiya oqibatlaridan yanada yaxshiroq tiklanish imkoniyatlarini yanada chuqurroq tushunishdi, bu jarayonni jadallashtirish bo‘yicha takliflar kiritildi, shuningdek, O‘zbekiston raqamli transformatsiyasi bilan bog‘liq masalalar yuzasidan fikr almashish uchun milliy va xalqaro ishtirokchilar o‘rtasida muntazam muloqotni yo‘lga qo‘yish bo‘yicha kelishuvga erishildi. Shuningdek, COVID-19dan so‘ng inklyuziv raqamli transformatsiyani kuchaytirish va tezlashtirish uchun hukumat va rivojlanishda hamkorlar uchun eng yaxshi xalqaro tajribani hisobga olgan holda tavsiyalar berildi.