IT Park tomonidan investorlar arizalarini qabul qilish boshlandi

IT Park majmuasi qurilish ishlari jadal sur’atlarda davom etmoqda. Poytaxt ichida mini-shahar yaratish yirik investorlardan sarmoya talab qiladi.

Markaziy Osiyodagi eng yirik IT-xab binolarini barpo etish va ularda qulay sharoitlar yaratish maqsadida IT-Park investorlardan arizalar qabul qilishni boshlaganini eʼlon qiladi. Tanlov IT-Park majmuasi hududida bir qator investitsiya loyihalarini amalga oshirish uchun investorlarni jalb qilishga qaratilgan.

Tanlovda ishtirok etish uchun arizalar 2022-yil 10-noyabrgacha mahalliy vaqt bilan soat 17:00 gacha qabul qilinadi. Belgilangan muddatdan keyin yuborilgan hujjatlar ko‘rib chiqilmaydi.

Ma’lumot uchun har kuni soat 10-00 dan 17-00 gacha (shanba va yakshanbadan tashqari) O‘zbekiston Respublikasi, Toshkent shahri, Mirzo Ulug‘bek tumani, Tepamasjid ko‘chasi, 4-uy manzili bo‘yicha murojaat qiling.

Telefon: +99871 209 11 99. E-mail: info@it-park.uz

Ariza beruvchilarga qanday talablar qo‘yiladi? 

• Tanlov hujjatlarida ko‘rsatilgan shakl va ko‘rsatmalarga muvofiq hujjatlarni inventarizatsiya qilish;

• Tanlov hujjatlarida ko‘rsatilgan shakl va ko‘rsatmalarga muvofiq ariza;

• ishtirokchi anketasi;

• raqobatbardosh taklif;

• yuridik shaxsni (investorni) davlat ro‘yxatidan o‘tkazilganligi to‘g‘risidagi vakolatli davlat organi tomonidan berilgan guvohnoma yoki investorning faoliyatini tasdiqlovchi boshqa hujjatlar;

• tegishli davlat soliq organiga taqdim etilgan oxirgi hisobot davri uchun buxgalteriya balansi (1-shakl, 2-shakl);

• tashkilotning byudjet uchun undirish bilan bog‘liq qarzi yo‘qligi to‘g‘risida soliq organining ma’lumotnomasi;

• ishtirokchining tanov hujjatlari talablariga muvofiqligini tasdiqlovchi boshqa hujjatlar.

Arizalar alohida muhrlangan konvertda topshirilishi kerak. Muhr konvertning yopishtiriladigan joyida bosiladi. Konvertda quyidagilar ko‘rsatilishi kerak: 

• mijozning nomi, manzili (IT-Park), aloqa uchun telefon raqamlari;

• ishtirokchining ismi, manzili, aloqa uchun telefon raqamlari;

• lotning nomi (1-lot, 2-lot);

• obyektning nomi (2.5-bino, 2.6-bino, 5-6-qavatlar, shuningdek, 1.2-bino 1-lotning 9-14-qavatlari).

G‘olib maxsus komissiya tomonidan taqdim etilgan hujjatlar asosida aniqlanadi.