IT Park va Coursera yangi yirik loyihani tayyorlamoqda!

2021-yil 11-may sanasida IT Park dunyoga mashhur “Coursera, Inc” onlayn taʼlim platformasi bilan hamkorlik toʻgʻrisida memorandum imzoladi. Demak, endilikda IT Park va “Coursera, Inc” yaqin hamkorlik qiladi, bir-biri bilan faol aloqada boʻladi va albatta hamkor loyihalarni amalga oshiradi.

Qoʻshma loyihalar haqida gapiradigan boʻlsak, yaqin kelajakda siz “Coursera, Inc” bilan hamkorlikda mahalliy yoshlarni, umuman jamiyatni befarq qoldirmaydigan ulkan taʼlim loyihasini koʻrasiz. Loyiha uzoq vaqtdan beri uni amalga oshirish bosqichida boʻlgan va biz uni mamlakatimiz ichida va tashqarisida namoyish etishga toʻliq tayyorlanmoqdamiz.

Afsuski, biz sizga ushbu loyiha haqida koʻproq maʼlumot bera olmaymiz. Biz ham ushbu loyihani boshlashni va bu haqda batafsil, barcha detallari bilan maʼlumot berishni intizorlik bilan kutishimiz. Ammo biz hammasi iloji boricha haqli va sifatli boʻlishini istaymiz. Shuning uchun, bizga vaqt bering va haqiqatan ham keng koʻlamli, kuchli va gʻalaba qozonadigan narsaga tayyorlaning!

Hozircha esa siz “Coursera, Inc” nima haqida va nima uchun ushbu kompaniya bilan hamkorlik yaxshi ekanligi toʻgʻrisida oʻqishingiz mumkin.

Coursera – bu Stenford universiteti kompyuter fanlari professorlari Endryu In va Dafne Koller tomonidan 2012-yilda tashkil etilgan ulkan, global onlayn taʼlim platformasi. “Platforma” dunyoning eng yaxshi universitetlari va kompaniyalarining taʼlim yoʻnalishidagi turli yoʻnalishlarda nashr etiladigan videomateriallarni oʻzida mujassamlashtirgan.

Courseraʼga 77 milliondan ortiq talabalar, 200 dan ortiq yetakchi hamkor universitetlar, 5100 dan ortiq kurslar va yoʻnalishlar va 25 darajadan ortiq oʻquvchilar kiradi.

Oʻtgan yili, COVID-19 pandemiyasi avj olgan paytda, “Coursera, Inc” Oʻzbekiston aholisiga platforma kurslariga bepul kirish imkoniyatini taqdim etdi va shu bilan ularga oʻqish, rivojlanishdan toʻxtamaslik, malaka oshirish va oddiygina sifatli bilim olish uchun ajoyib imkoniyat yaratdi.

Natijada, oʻzbekistonlik 5000 dan ortiq foydalanuvchilar platformada roʻyxatdan oʻtdilar va turli yoʻnalishlarda oʻqitildilar.

Ishonch bilan aytishimiz mumkinki, Coursera, Inc bugungi kunda sifat, samaradorlik va qulaylik nuqtai nazaridan dunyodagi eng yuqori darajadagi onlayn taʼlimni taʼminlaydi.