Markaziy Osiyodagi “Tumaris.Tech” loyihasining “Demo Day” natijalari

2022-yil 15-oktabrda Tumaris.Tech loyihasining uzoq kutilgan Demo kuni bo‘lib o‘tdi, unda 23 ta jamoa o‘z biznes loyihalarini taqdim etdi.

Eslatib o‘tamiz, Tumaris.Tech tanlovida ishtirok etish uchun jami 148 ta ariza topshirildi, ulardan 71 ta jamoa 2022-yil 15-iyulda bo‘lib o‘tgan Pitch Day uchun tanlangan.  Pitch Day natijalariga ko‘ra, xorijlik mentor va ekspertlar ko‘magida 29 ta loyiha inkubatsiya dasturida va 17 ta loyiha akseleratsiya dasturida o‘qishni davom ettirdi.  Natijada 23 ta loyiha barcha bosqichlardan o‘tib, Demo Dayʼga yetib bordi.

Inkubatsiya va akseleratsiya dasturlari rus tilida 3 oy davomida onlayn tarzda oʻtkazildi. Dasturlar doirasida ishtirokchilar xalqaro ekspertlar ishtirokida ta’lim va strategik sessiyalar, oʻqitilgan mutaxassislar bilan trekerlik, moliyaviy savodxonlik kurslari, notiqlik va vaqtni boshqarish bo‘yicha vorkshoplar, qiziqtirgan masalalar bo‘yicha maslahatlar olishdi va startap hamjamiyatlari o‘rtasida netvorkingni oʻrnatishdi.

Spikerlar qismidagi ikkala dasturning taʼlim kontenti uchun Wonder Women hamkori masʼul edi. Komyuniti eng kuchli Wonder Women Mentorship dasturiga ega. Butun Markaziy Osiyodan IT, marketing, tadbirkorlik, mahsulotlarni boshqarish, mijozlarga xizmat ko‘rsatish va boshqalar kabi sohalardagi mentor sifatida qatnashgan eng yaxshi ekspert va tajribali mutaxassislar inkubatsiya va akseleratsiya doirasida o‘z bilimlari bilan boʻlishdilar.

Demo Dayʼda ishtirokchilar tomonidan taqdim etilgan loyihalar:

Inkubatsiya:

• Eyesea – ARDUINO platformasida ishlaydigan koʻzi ojiz va koʻrish qobiliyati past odamlar uchun bilaguzuk;
• Cardio Vessel — yurak-qon tomir kasalliklarida qon quyqalari va blyashkalarda qon oqimi tezligini hisoblash uchun ikki fazali matematik modelga ega loyiha;
• Tidbit — bu Oʻzbekistonda food waste muammosiga qarshi kurash boʻyicha birinchi dastur;
• ECONote — bu oʻquvchilar uchun oʻz ishlarini yozish va topshirish, maktab tadbirlarini kuzatib borish, boshqa oʻquvchilar va oʻqituvchilar bilan suhbatlashish va oʻquv materiallarini koʻrib chiqish uchun platforma;
• DermaMarker — bu tanadagi yangidan paydo boʻlgan narsalarni skanerlaydigan va ularni bir nechta xususiyatlarga koʻra tahlil qiladigan dastur;
• Kamkor — ishlaydigan onalarga yordam koʻrsatish loyihasi;
• TABIGAT — tabiatni muhofaza qilish xizmati;
• ArtRoom — interyer mijozlari, mebel ishlab chiqaruvchilari va dizaynerlari uchun platforma;
• Elcart.Islam — Markaziy Osiyodagi raqamli Islomiy moliyaviy xizmat;
• TAGLINE APP — materiallarni sotib olishdan tayyor mahsulotni sotishgacha boʻlgan boshqaruv hisobini yuritish platformasi;
• Find analysis yourself — bu eng maqbul narx va lokatsiyada turli xil tibbiy analizlarni topshirishingiz mumkin boʻlgan klinikalarni topish uchun dastur;
• Bal Til — bu nutqning kechikishini tuzatishga qaratilgan sunʼiy intellektga asoslangan loyiha.

Akseleratsiya

• ADU24 — universal e-commerce platformasi;
• Growy Me — odamlarga ular uchun muhim boʻlgan maqsadlarga yanada samarali erishishga yordam beradigan platforma;
• My Dars — oʻquvchiga repetitor va repetitorga oʻqituvchini topish imkoniyatini beradigan ijtimoiy loyiha;
• GradUz — kollej va universitet bitiruvchilari o'rtasida ta'lim sifatini oshirish va ishsizlik darajasini kamaytirish loyihasi;
• Tilzone — Qirgʻizistondagi birinchi onlayn til platformasi, u yangi samarali metodologiyadan foydalangan holda ingliz va rus tillarini oʻrganishni taklif etadi;
• Tutor ON — xorijiy tillarini o‘rganish platformasi;
• audaru.com — Markaziy Osiyo tillari uchun koʻp tilli terminologik onlayn lugʻat;
• MyHealth — bu shifokorlarning raqamli xulosalarini saqlash uchun mobil ilova, shuningdek vitaminlar va dori-darmonlarni qabul qilish uchun qulay “eslatma”;
• We in Crypto — bu raqamli moliyaviy savodxonlik, NFT kolleksiyalarini chiqarish, shuningdek, WEB3.0-yechimlari va imkoniyatlarini targʻib qilish uchun inkubatsiya dasturlari va tadbirlari boʻyicha onlayn maktabga ega platforma;
• Chance — tanlovlar va tadbirlarni qidirishda yordamchi;
• Onlayn Hamshira — uyda va shifoxonalarda 24/7 rejimida zarur hamshiralik xizmatlarini koʻrsatish platformasi;
• Ayol Uchun — ayollar uchun madaniy va maʼrifiy platforma.

Hakamlar hay’ati a’zolari O‘zbekiston, Qozog‘iston va Qirg‘izistondan kelgan mahalliy va xorijiy mutaxassislardan iborat bo‘lib, hakamlar hay’ati tarkibiga quyidagilar kirdi:

• Beelab LLC kompaniyasi yetakachisi va texnik direktori (v.b) – Shohrux Alimov;
• Accelerate Prosperity investitsion tahlilchisi — Bakyt Alimjanov;
• MOST Biznes inkubatorining akseleratsiya menejeri – Aychurok Mederbek qizi;
• Wonder Women ayollar komyuniti asoschisi – Rada Islamova;
• IT Park inkubatsiyasini rivojlantirish bo'yicha menejer – Madina Musurmankulova.

Bundan tashqari, Demo Day yakunlari boʻyicha TOP 10 ta loyiha 2023-yil mart oyida Toshkentda boʻlib oʻtadigan xalqaro startap loyihalar koʻrgazmasiga tashrif buyurish imkoniyatiga ega boʻldi:

• eyesea
• ADU24
• We in Crypto
• Growy Me
• Onlayn Hamshira
• MyHealth
• Ayol Uchun
• GradUz
• My Dars
• DermaMarker