“National CUP ISIJ Uzbekistan 2023” olimpiadasining saralash bosqichi qanday o‘tdi

Joriy yilning 22-23-iyun kunlari IT Park va Xalqaro Informatika maktabi ko‘magida oltinchi Xalqaro Informatika Kubogi uchun “National CUP ISIJ Uzbekistan 2023”  olimpiadasining saralash bosqichi bo‘lib o‘tdi.

Tadbirga ro‘yxatdan o‘tish hamma uchun ochiq bo‘lib, 200 dan ortiq talaba ishtirok etish uchun ariza topshirgan. Ishtirokchilarning yakuniy soni taxminan 150 kishini tashkil etdi.

Olimpiadada O‘zbekistonning turli viloyatlari, jumladan, Jizzax, Namangan, Samarqand, Toshkent shahri va  Toshkent viloyati, Buxoro, Xorazm, Navoiy, Qashqadaryo, Farg‘ona, Andijon, Qoraqalpog‘iston va Surxondaryo viloyatlari vakillari ishtirok etdi. Shuningdek, musobaqaga 7 ta Prezident maktabidan  o‘quvchilar qatnashdilar.

Saralash bosqichi ikki bosqichni o‘z ichiga oldi:

• matematik saralash (ishtirokchilar matematik informatika va algoritmlar nazariyasi bo'yicha bilimlarini tekshirish uchun testlarni yechishlari kerak edi);

• Dasturlash tillardan birida funksiyalar amalga oshirish: Pascal, Python va C++.

Saralash bosqichidan o‘tgan maktab o‘quvchilari 1-7 iyul kunlari informatika bo‘yicha o‘smirlar o‘rtasida bo‘lib o‘tadigan xalqaro kubokda ishtirok etish imkoniyatini qo‘lga kiritdi. Barcha bosqichlar va olimpiadaning o‘zi onlayn tarzda o‘tkaziladi.

Ma’lumot uchun: Cup ISIJ 2023 informatika bo‘yicha har yili o‘tkaziladigan xalqaro olimpiada bo‘lib, u matematik informatika, algoritmlash va C++ dasturlash bo‘yicha 5 turni o‘z ichiga oladi. Har yili o‘smirlar o‘rtasida informatika bo‘yicha xalqaro kubok butun dunyodan eng yaxshilar bilan raqobatlashishga, tajriba almashishga va hamfikrlarni topishga tayyor bo‘lgan minglab ishtirokchilarni jalb qiladi.