Nodir Mirzapulatovich Turdimatovni “Shuhrat” medali bilan tabriklaymiz

2020-yil 28-avgust sanasida “Oʻzbekiston Respublikasi mustaqilligining yigirma toʻqqiz yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash toʻgʻrisida”gi Oʻzbekiston Respublikasi Prezidenti Farmoni imzolandi.

Mamlakatimiz mustaqilligini mustahkamlash, uning iqtisodiy qudratini yuksaltirish, barcha sohalarda olib borilayotgan keng koʻlamli islohotlarni muvaffaqiyatli amalga oshirish borasidagi koʻp yillik samarali mehnati, xalqimiz farovonligini oshirishga qoʻshgan munosib hissasi, xalqaro standartlarga mos ishlab chiqarish quvvatlarini barpo etish, iqtisodiyot tarmoqlarini raqamlashtirish, ilgʻor innovatsion texnologiyalarni amaliyotga joriy qilish, qulay investitsiya muhitini yaratish va eksport salohiyatini oshirish, hududlar infratuzilmasini takomillashtirish, shahar va qishloqlarimiz qiyofasini tubdan oʻzgartirish yoʻlidagi ulkan xizmatlari, jamiyatimizda millatlararo doʻstlik va totuvlikni mustahkamlash, yosh avlodni ona Vatanga sadoqat, milliy va umuminsoniy qadriyatlarga hurmat ruhida tarbiyalash ishlaridagi ibratli faoliyati hamda ijtimoiy hayotdagi faol ishtiroki uchun, IT Park rezidenti, “Revochain Technology” MCHJ Direktori, Nodir Mirzapulatovich Turdimatov “Shuhrat” medali bilan taqdirlandi.

Nodir Mirzapulatovich Oʻzbekistondagi IT xizmatlari koʻrsatuvchi eng yirik eksportchi kompaniyalardan birining Direktori hisoblanadi. Uning tuyg’un boshqaruvida kompaniya Amerika Qoʻshma Shtatlari, bir qancha Yevropa davlatlari, Xitoy, Irlandiya va boshqa xorijiy mamlakatlar bilan rasmiy va hamkorlik aloqalarini oʻrnatdi.

Nodir Turdimamatovning shaxsiy sifatlari va mehnatsevarligi tufayli xalqaro arenada Oʻzbekistonning investitsion jozibasi oshib bormoqda. Shu bilan birga, u milliy innovatsiya va mahsulotlarni rivojlantirishda zalvarli ishlarni amalga oshirmoqda. Masalan,

- “Monterra” onlayn platformasi qishloq xo‘jalik yerlari va ekinlariga tez va aniq baho berish uchun sun’iy aql texnologiyasi yordamida amalga oshirilmoqda. Loyihadan ko‘zlangan maqsad ehtiyoj va sharoit uchun sun’iy intellekt texnologiyasidan foydalanish hamda sun’iy yo‘ldosh tasvirlarini olib mintaqadagi qishloq xo‘jaligi yerlarini xolisona baholashdan iborat. Endi qishloq xo‘jaligi yer egalari sun’iy yo‘ldosh texnologiyalari yordamida tadqiqot natijalari asosida tavsiyalar oladilar. “Monterra” onlayn platformasi yerlarning fotografik xaritalarini yaratish va ularning unumdorligini tahlil qilish uchun sun’iy yo‘ldosh texnologiyalaridan foydalanadi. Bugungi kunda ushbu loyiha Andijon viloyatida amalga oshirilmoqda.

- soliq bazasiga ishonchli ma’lumotlarni kiritish maqsadida noruda materiallarni karyerlardan olib chiqib ketishni qayd etishning avtomatlashtirilgan tizimi ishga tushirildi.

- Qo‘shma Shtatlarda Mint MCHJ tashkil etilgan bo‘lib, u dastlabki 5 yil ichida oylik daromadini 20,000 AQSH dollaridan 900,000 AQSH dollarigacha oshirishga muvaffaq bo‘ldi. Hozirgi kunda kompaniya 10,2 million AQSH dollari miqdorida daromadga ega bo‘lib, Nodir Turdimatov ushbu kompaniyaning nafaqat Ijrochi direktori hisoblanadi, balki strategik rejalashtirish va moliyaviy operatsiyalarni ham boshqaradi.

- dasturiy mahsulotlar ishlab chiqarish va xizmatlar eksportiga yo‘naltirilgan “RЕVOTЕCh LP” (Irlandiya, Dublin) IT kompaniyasi tashkil etildi. Kompaniya O‘zbekistonda 100 dan ortiq yosh IT mutaxassislarini qayta tayyorlab, malakasini oshirdi va ularni ish bilan ta’minladi.

Bundan tashqari, Nodir Turdimatov boshchiligidagi “Revochain Technology” MCHJ kompaniyasi IT Parkning eng yirik aholisidan biri bo‘lib, axborot texnologiyalariga ixtisoslashgan, dasturiy mahsulotlar ishlab chiqaradi va o‘z xizmatlarini AQSH va bir qator Yevropa mamlakatlariga eksport qiladi. Hozirgi kunda korxonada 200 dan ortiq yosh va yuqori malakali o‘zbek mutaxassislari ish bilan ta’minlangan.

IT Park jamoasi Nodir Mirzapulatovichni chin yurakdan tabriklaydi va yangi natijalar va muvaffaqiyatlar tilab qoladi.