“Skills4Girls” loyihasi natijalari: Inklyuziv IT-taʼlim

2022-yil 2-dekabrda IT Park va BMTning Bolalar jamgʻarmasi (UNICEF) tomonidan amalga oshiriladigan “Skills4Girls” dasturi yakunlandi. Dastur doirasida 214 nafar qiz, jumladan, 70 nafar imkoniyati cheklangan qizlar raqamli ko‘nikmalarini oshirishdi.

Xalqaro nogironlar kuni har yili 3-dekabrda oʻtkaziladi va 1992-yilda Birlashgan Millatlar Tashkiloti Bosh Assambleyasi tomonidan eʼlon qilingan.  Bu yilgi mavzu “Inklyuziv rivojlanish uchun transformatsion yechimlar: qulay va adolatli dunyoni yaratishda innovatsiyalarning roli”. Ushbu kunni nishonlash nogironlik muammolari haqida xabardorlikni oshirish va nogironlarning qadr-qimmati, huquqlari va farovonligini qoʻllab-quvvatlashni amalga oshirishdan iborat.  Har yili oʻtkaziladigan tadbirlar nogironlarning sogʻliqni saqlash, ta’lim olish, ish bilan ta’minlash uchun inklyuziv muhitni yaratish va nogironlarga nisbatan stigma va kamsitishlarni yengish uchun koʻpincha duch keladigan toʻsiqlarga e’tiborni qaratishga qaratilgan.

Shuningdek, ushbu haftada gender zoʻravonligiga qarshi 16 kunlik faol harakatlar oʻtkaziladi (25-noyabr – 10-dekabr) hamda muloqot va toʻsiqlar toʻgʻrisida xabardorlikni oshirish, shuningdek, ayollar va qizlarga qarshi zoʻravonlikni toʻxtatish va qizlarning keyingi taʼlim olish hamda ishga joylashish imkoniyatlarini oshirish uchun yetakchilik qobiliyatlarini oshirishda muhim ahamiyatga ega.

O‘zbekistonda ko‘p yillar davomida nogironligi boʻlgan shaxslarga yordam berish, ularni qoʻllab-quvvatlashga qaratilgan qator chora-tadbirlar va loyihalarni amalga oshirish uchun ijtimoiy xizmatlar faol rivojlanmoqda. 21-asr axborot texnologiyalari rivojlanish asri boʻlganligi sababli, hukumat nogironligi boʻlgan shaxslarni AKT sohasiga jalb qilishga alohida eʼtibor bera boshladi.

IT Park va UNICEF tomonidan amalga oshirilgan muvaffaqiyatli loyihalardan biri bu “Skills4Girls” dasturi bo‘ldi. “Skills4Girls” – 12 yoshdan 18 yoshgacha bo‘lgan qizlar, jumladan, turli nogironligi bo‘lgan qizlar uchun IT bo‘yicha o‘quv dasturi bo‘lib, u 2022-yil iyun oyida ishga tushirilgan. Dastur inklyuzivlik prinsipi asosida qizlarning, jumladan, nogironligi bo‘lgan qizlarning axborot texnologiyalari sohasiga jalb qilish ulushini oshirishga qaratilgan boʻlib, shu orqali ularning taʼlim olish, ishga joylashish, yetakchilik va o‘ziga bo‘lgan ishonch imkoniyatlarini kengaytirishga qaratilgan.

Tadbirda AKT vaziri maslahatchisi Kamola Sobirova, IT Park direktori oʻrinbosari Mahliyo Muksinova, IT Park kreativ direktori Jamila Xalibayeva, UNICEFʼning O‘zbekistondagi vakili Munir Mammedzade, O‘zbekiston nogironlar assosiatsiyasi raisining o‘rinbosari Oybek Pulatov, shuningdek, barcha hududlardan kelgan loyiha ishtirokchilari qatnashdilar.

“Skills4Girls” loyihasi boshlanganidan beri olti oy davomida, ya’ni 2022-yilning iyun-noyabr oylari oraligʻida “Skills4Girls” qizlarning raqamli savodxonligini oshirish kursi doirasida 214 nafar ishtirokchi oʻqitildi.

Qizlar uchun asosiy tanlov mezoni yoshi (12 yoshdan 18 yoshgacha) va raqamli koʻnikmalarni oshirish istagi edi.  Qizlar ushbu mezonni hisobga olgan holda, yoshga qarab va tayyorgarlik darajasida sezilarli farq bilan ustuvor boʻlgan guruhlarga boʻlinganlar. Har bir viloyatda 48 nafar nogironligi bo‘lmagan qizlar oʻqishga jalb qilingan. 6–7-sinflarda nogironligi bo‘lmagan qizlar Microsoft Office, Entry hamda Web texnologiyalari (HTML va CSS) xususiyatlarini o‘rgandilar;  nogironligi boʻlmagan qizlar 8–9 va 10–11-sinflar – grafik dizaynni oʻrgandilar.

Nogironligi boʻlgan qizlarni tanlashning asosiy mezoni ham raqamli koʻnikmalarni oshirish istagi edi.  Imkoniyati cheklangan va raqamli ko‘nikmalari past boʻlgan qizlar raqamli savodxonlik bo‘yicha to‘liq dasturni tamomladilar, asosiy bilimga ega bo‘lgan qizlar esa qisqacha Microsoft Office xususiyatlarini o‘rgandilar, Entry hamda Web texnologiyalari (HTML va CSS)ni batafsil o‘rgandilar.

Kurs natijalariga koʻra, ishtirokchilarga qisqa matnli topshiriqlar berildi. Eng yuqori ball toʻplagan gʻoliblarga yashash joylaridagi IT Park qoshidagi IT Markaz’larda oʻqish uchun sertifikatlar topshirildi:

• 1-o‘rin – taʼlim olish uchun sertifikat 2 500 000 so‘mli (19 ta sertifikat)
•  2-o‘rin – taʼlim olish uchun sertifikat 2 000 000 so‘mli (19 ta sertifikat)
•  3-o‘rin – taʼlim olish uchun sertifikat 1 500 000 so‘mli (19 ta sertifikat).

Shunday qilib, dastur bitiruvchilari qoʻshimcha taʼlim olish uchun yana bir imkoniyatga ega boʻladilar.