Startup Story: texnika topishdagi muammo yangi loyihani yaratishga ilhom berganligi haqida

Startap Story ruknida qiziqarli loyihalarni ishga tushirish haqidagi hikoyalar bilan boʻlishishda davom etamiz. Bugun rubrikada mehmonda – “Zon.uz” loyihasi va uning asoschisi Raju Ramazonov.

Raju 2009-yilda Toshkent axborot texnologiyalari universitetini, 2014-yilda esa Toshkent davlat iqtisodiyot universitetini tamomlagan. 2009-yildan 2016-yilgacha O‘zbekiston Respublikasi Davlat soliq qo‘mitasining Yangi texnologiyalar ilmiy-axborot markazi xodimi boʻlgan. Markazda Raju hamkasblari bilan birgalikda respublika bo‘ylab ishga tushirgan yirik loyihalar ustida ishladilar.

“Markazdagi faoliyatim davomida mening ishtirokim bilan 10 dan ortiq yirik loyihalar ishga tushirildi. 2011-yilda safimizga Alisher Botirov qoʻshildi. Biz juda yaqin hamkorlik qildik va “Elektron raqamli imzo” va “Soliq inspektorining avtomatlashtirilgan ish joyi” kabi bir qancha juda yirik biznes g‘oyalarni amalga oshirishda ishtirok etdik. Keyin, 2015-yilda bizda o‘z biznesimizni yaratish va ofis ochish g‘oyasi paydo bo‘ldi”.

Ular yangi ofis uchun asbob-uskuna izlay boshlaganlarida, bitta muammoga duch kelishdi: Internetning hech bir joyida aktual narxlardagi uskunalarni topa olmadilar.

“Bu muammo bizni hayratda qoldirdi.  Ammo keyin biz oʻyladik: ushbu muammoni hal qilishga harakat qilsagchi? Shunday qilib, 2019-yil oxirida biz Zon.uz onlayn-doʻkonimizni yaratishni boshladik.

Loyiha jamiyatga qanday yordam beradi?

Endi loyiha jamoasi 6 kishidan iborat: direktor (moliyachi), loyiha menejeri, backend-dasturchi, frontend-dasturchi, call-markaz operatori va dizayner.

Rajuning soʻzlariga koʻra, Zon.uz onlayn-doʻkoni odamlar uchun haqiqiy topilma.  Uning maqsadi – mijozlarga sifatli mahsulotlarni aktual narxlarda taqdim etish.

“Bizda bozorda bunday platformalar koʻp emas edi. Va mavjudlari har doim ham mahsulot assortimentini va narxlarni yangilashga ulgurishmagan. Biz uni har qanday foydalanuvchi uchun qulay qilishga harakat qildik, shunda u bizning saytimizga kirib, oʻziga kerak boʻlgan narsani real narxlarda topishi mumkin. Shuningdek, biz sifatli mahsulotga ega bo‘lgan tadbirkorlarga ko‘proq mahsulotlarni internet orqali sotishda yordam beramiz”.

Rajuning soʻzlariga koʻra, Zon.uz veb-saytida tom maʼnoda hamma narsani topish mumkin.

“Biz adolatli narxda sotamiz va kafolat beramiz, chunki onlayn xaridlar imkon qadar qulay va xavfsiz bo‘lishi kerak deb hisoblaymiz.  Har safar kimdir “Sotib olish” tugmasini bosganida biz toʻgʻri va muhim ish qilayotganimizni tushunamiz”.

Loyihaning eng qiyin qismi nima edi?

Hikoya qahramoni eslaganidek, startapni ishga tushirishda katta qiyinchiliklar boʻlmagan.

“Chunki Alisher ham, men ham loyihalarni ishlab chiqish va yaratishda katta tajribaga ega boʻlganimiz sababli, bu bizga katta ustunlik berdi. Va biz boshqa startaplar duch keladigan muammolarga duch kelmasligimiz mumkin. Ammo hali ham baʼzi qiyinchiliklar bor edi. Shaxsan men uchun eng qiyin narsa – tovar aylanmasini tashkil etish edi”, – deya aytib oʻtdi Raju.

Shunga qaramay, jamoa qiyin bosqichni yengdi va endi startap sanoati olamida oʻz yoʻlini ishonch bilan davom ettirmoqda.

Loyihani qanday rivojlantirishni rejalashtiryapsiz?

Rubrikaning mehmoni jamoa startapni rivojlantirish uchun sarmoya kiritmaganligini aytadi.

“Zon.uzʼga oʻz mablagʻimiz hisobidan 220 ming dollarga yaqin sarmoya kiritdik. Bizda har qanday mahsulotni yetkazib berish xizmati bilan buyurtma qilish mumkin. Buyurtma tasdiqlangan paytdan boshlab 24 soat ichida Toshkentda yetkazib beramiz. Oldindan toʻlov yoʻq, tovarlarni boʻlib-boʻlib toʻlash sharti bilan sotib olish mumkin. Balki tez orada xizmatlar geografiyasi va tovarlar assortimentini kengaytirarmiz”.

U yosh startaperlarga loyihalar ustida ishlashda kuch va sabr tilaydi.

“Har qanday biznesda shuni yodda tutish kerak: kuchli yoki tajribali emas, balki oxirigacha borishga va gʻalaba qozonishga tayyor boʻlgan gʻalaba qozonadi!”