Tadbirkorlar uchun biznesni raqamlashtirish boʻyicha tadbir oʻtkazildi

O‘zbekiston banklari Assotsiatsiyasida raqamli tadbirkorlikni rivojlantirishga bag‘ishlangan hamda mikro-, kichik va o‘rta korxonalarning barcha vakillari hamda tadbirkorlikka qiziquvchilar uchun mo‘ljallangan “Digital Revolution” deb nomlangan tadbir bo‘lib o‘tdi.

“Digital Revolution” tashabbusi IT Park ko‘magida “Youth Digital Skills” dasturi doirasida AKT vazirligi, O‘zbekiston Respublikasi Iqtisodiy taraqqiyot va kambagʻallikni qisqartirish vazirligi hamda BMTTD bilan hamkorlikda amalga oshirilmoqda.

Tadbirda IT Park raqamli ta’lim bo‘yicha direktor o‘rinbosari Abdulahad Kuchkarov va Tadbirkorlikni rivojlantirish Agentligi direktorining birinchi o‘rinbosari Muxtar Shonazarov ishtirok etdilar. Ular sessiyani tabrik so‘zlari bilan ochdilar va tadbirkorlik subyektlarining faoliyatiga axborot texnologiyalarini joriy etish muhimligi haqida gapirdilar.

Uchrashuvda ta’kidlanganidek, bugungi kunda biznes vakillarining asosiy e’tibori raqamlashtirish usullarini joriy etishga, jumladan, yosh va boshlangʻich tadbirkorlarga o‘z bizneslarini ushbu yoʻnalishda rivojlantirish uchun to‘g‘ri va samarali strategiyasini topishda amaliy yordam berishga qaratilmoqda.

Uchrashuvning asosiy qismida IT Park rezidentlari elektron tijorat va marketpleylar haqida taqdimotlar oʻtkazdilar.

Bunday kabi tadbirlar va treninglar butun respublika bo‘ylab o‘tkaziladi. Uchrashuvlarda respublika hududlaridan 1000 dan ortiq tadbirkorlik subyektlari ishtirok etishi kutilmoqda, ular o‘z malakalarini oshirib, qiziqtirgan savollariga javob va maslahat xizmatlarini oladilar.

“Digital Revolution” tashabbusi IT Park ko‘magida “Youth Digital Skills” dasturi doirasida AKT vazirligi, BMTTD va O‘zbekiston Respublikasi Iqtisodiy taraqqiyot va kambagʻallikni qisqartirish vazirligi bilan hamkorlikda amalga oshirilmoqda.