AKT Vaziri Samarqand viloyatidagi IT Park rezidentlariga tashrif buyurdi

Axborot texnologiyalari va kommunikatsiyalarini rivojlantirish Vaziri Sherzod Shermatov amaliy tashrif bilan Samarqand viloyatida bo‘ldi.

Safar davomida Sherzod Xotamovich IT Park rezidentlari asoschilari va vakillari, hamda, iqtidorli yoshlar bilan uchrashdi. Ularning faoliyati va kelajakdagi rejalari ular bilan muhokama qilindi.

Maʼlumki, respublikada IT-autsorsingni rivojlantirishga alohida eʼtibor qaratilmoqda, bunda BPO yoʻnalishi muhim oʻrin tutadi. Samarqand viloyatidagi BPO-mutaxassislari faoliyati bilan yaqindan tanishish va ularning sonini ko‘paytirish maqsadida Vazir “Prime Samarqand” BPO-kompaniyasiga tashrif buyurdi.

Uchrashuv ishtirokchilari O‘zbekistonda raqamli ish o‘rinlarini yaratish, jumladan, yoshlar salohiyatini oshirish uchun IT-xizmatlar va biznes-jarayonlar autsorsingini (BPO) kengaytirish masalasini muhokama qildilar.

Tomonlar yoshlarni BPO sektoriga jalb etish masalalari yuzasidan fikr almashdilar. Vazir taʼkidlaganidek, bu yosh mutaxassislarga kelajakda oʻz xizmatlarini eksport qilish va shu tariqa ularni yuqori maoshli ish bilan taʼminlash imkonini beradi.

Sherzod Shermatov “Prime Samarqand” vakillari bilan kelajakda kompaniya faoliyatini kengaytirish masalalarini ham muhokama qildi. O‘z navbatida, AKT Vaziri ushbu ishlarni tashkil etish va yosh malakali kadrlar tayyorlashda amaliy yordam koʻrsatishga tayyorligini bildirdi.

Sherzod Shermatov yana bir kompaniyaga yangi loyihalarni qo‘llab-quvvatlashga tayyorligini bildirdi. Tashrif davomida “TAPP PAYMENT” MChJ rahbari va “TAPP UZ” mobil ilovasi asoschisi, investor Xurshid Torayev va uning jamoasi bilan uchrashdi.

Uchrashuv davomida tomonlar kompaniya faoliyatini kengaytirish masalalarini muhokama qildilar. AKT Vaziri toʻlov operatsiyalari osonlashtirishga yordam beradigan yangi loyihalarning ishga tushirilishini olqishlashini ta’kidladi va boshqarma tomonidan zarur yordam ko‘rsatilishiga tasdiqladi.

Eslatib oʻtamiz, “TAPP PAYMENT” MChJ IT Park rezidenti hisoblanadi. Hozirda TAPP UZ ilovasida quyidagilar mavjud:

– koʻplab tovarlarga ega savdo maydoni;

– pul oʻtkazmalari;

– kommunal toʻlovlar va boshqa koʻplab xizmatlar;

– O‘zbekiston boʻylab mehmonxonalarni bron qilish;

– temir yo‘l va aviachiptalarni sotib olish;

– joriy valyuta kurslari.

 

AKT Vaziri Samarqand viloyatidagi yana ikkita IT Park rezident-kompaniyasi – “Nextgen IT” MChJ va “Dasturchilar klubi” MCHJ faoliyati bilan tanishdi.

“Nextgen IT” mahalliy savdo majmualarini avtomatlashtirish bilan shugʻullanadi, “Dasturchilar klubi” MCHJ esa dasturlashning turli yo‘nalishlari bo‘yicha loyihalar yaratish va yoshlarni IT sohasida o‘qitish bilan shug‘ullanadi.

Ushbu biznes tuzilmalarining har birida ayni paytda 20 ga yaqin xodim ishlamoqda. Kelajakda tashkilotlar yirik IT-kompaniyalar boʻlishni rejalashtirmoqda.

Sherzod Xotamovich mazkur korxonalar rahbarlari va xodimlari bilan suhbatlashib, xorijiy davlatlarga xizmatlar eksportini yo‘lga qo‘yish bo‘yicha o‘z tavsiyalarini berdi.

Shu kuni Sherzod Xotamovich amaliy tashrifi doirasida Samarqand shahrida barpo etilgan yangi Qorasuv massivida IT Park Samarqand filialining qo‘shimcha yangi binosini ta’mirlash ishlari bilan tanishdi.

Massiv yangi qurilgan koʻp qavatli uylardan iborat boʻlib, aholi zich joylashgan. IT Park Samarqand filialining tashkil etilishi hududda yashovchi ko‘plab yoshlar uchun Samarqand shahri markaziga bormasdan qo‘shimcha qulaylik yaratadi.

Maydoni 500 kv. metr boʻlgan bino joriy yilning 1-sentyabriga qadar foydalanishga topshirilishi rejalashtirilgan. U kovorking maydoni, sinf xonalari va majlislar xonalaridan iborat bo'ladi.

 

Sherzod Shermatov Samarqandda ochilgan “Empire-Soft” va “IT Step Academy” yangi IT-o‘quv markazlariga ham tashrif buyurdi.

Har bir markaz 100 ga yaqin kishini o‘z ichiga oladi va har oy 200 ga yaqin yoshlarga zamonaviy dasturlash va boshqa IT yo‘nalishlari bo‘yicha o‘qitiladi.

Sherzod Xotamovich markaz rahbarlariga yoshlarni AKT sohasiga keng jalb etish, ta’lim markazlari faoliyatini yanada kengaytirish bo‘yicha o‘z takliflari bilan boʻlishdi.