AKT vaziri Xorazm viloyati IT mutaxassislari bilan uchrashdi

Axborot texnologiyalari va kommunikatsiyalarini rivojlantirish vaziri Sherzod Shermatov Xorazm viloyatiga safari doirasida IT Park filialiga tashrif buyurdi.

Tashrif davomida Sherzod Xotamovich viloyat IT-parkida yoshlar va IT-mutaxassislar uchun yaratilgan sharoitlar, ularning faoliyati bilan yaqindan tanishdi.  Tomonlar IT-Park faoliyatini yanada rivojlantirish yuzasidan fikr almashdilar hamda istiqboldagi rejalar va loyihalarni muhokama qildilar.

AKT vaziri IT-park binosida yangi tashkil etilgan IT-akademiya bilan ham tanishdi. Muassasani va unda faoliyat yuritayotgan korxonalarni rivojlantirish bo‘yicha taklif va tavsiyalar berildi.

Ma’lumot uchun:
Bugungi kunga qadar Xorazm viloyatida IT Park rezidenti sifatida roʻyxatdan oʻtgan korxonalar soni 17 tani tashkil etmoqda. IT Park binosining oʻzida 9 ta rezident korxona faoliyat yuritmoqda.  Mahalliy IT-kompaniyalarni qo‘llab-quvvatlash, ular uchun zarur shart-sharoit yaratish borasida amalga oshirilgan ishlar natijasida IT-Park binosida 150 dan ortiq yangi ish o‘rni yaratilib, yoshlar bandligi ta’minlandi.